© Photo: سس0 / congerdesign
دەنساۋلىق ساقتاۋ مينيسترٸ اجار عينييات الماتى وبلىسىندا ٶگەي ناعاشى اتاسى قورلاعان 3 جاسار ەگٸز قىز بەن الماتى قالاسىندا زورلانعان 7 جاسار وقۋشىنىڭ جاعدايى تۋرالى ايتتى, - دەپ حابارلايدى "ۇلت اقپارات" Tengrinews.kz سايتىنا سٸلتەمە جاساپ.
"بالالاردىڭ جاعدايى ورتاشا اۋىر. ولار مەديتسينا قىزمەتكەرلەرٸنٸڭ باقىلاۋىندا. بۇل بالالاردى قابىلداۋ كەزٸندە بٸزدٸڭ مەديتسينا قىزمەتكەرلەرٸ ەرەسەكتەر تاراپىنان زورلىق-زومبىلىق ەرەكەتتەرٸ بولعانىن انىقتادى. قابىلداۋ بٶلٸمٸندە بالالار دەر كەزٸندە تولىق تەكسەرٸلٸپ, قۇقىق قورعاۋ ورگاندارىنا حابارلاندى. العان جاراقاتىنا قاراي بالالارعا وتا جاسالدى. بٷگٸندە ولاردىڭ ٶمٸرٸنە قاۋٸپ تٶنٸپ تۇرعان جوق, بالالار باقىلاۋدا", - دەدٸ اجار عينييات وقك-دا ٶتكەن بريفينگتە.
سونداي-اق, ونىڭ ايتۋىنشا, بالالارعا پسيحولوگييالىق كٶمەك كٶرسەتٸلەدٸ. دەرٸگەرلەر جەبٸرلەنگەن بالالاردىڭ قايسىنا قانداي وتا جاسادى دەگەن ساۋالعا مينيستر جاۋاپ بەرمەدٸ.
"بۇل ناۋقاستاردىڭ رەسمي دەرەكتەرٸ ەكەنٸن ەسكەرە وتىرىپ, قانداي وپەراتسييا بولعانىن ايتا المايمىن. اعزالارىنا زاقىم كەلگەندٸكتەن, دەرٸگەرلەر تيٸستٸ وپەراتسييالاردى جاسادى", - دەدٸ دەنساۋلىق ساقتاۋ مينيسترلٸگٸنٸڭ باسشىسى.
ونىڭ ايتۋىنشا, بالالار العان جاراقاتتارى مەن جاسالعان وپەراتسييالاردىڭ كٷردەلٸلٸك دەرەجەسٸنە قاراي وڭالتۋ كۋرسىنان ٶتەدٸ.
"ەمدەۋ كۋرسى, ونىڭ ٸشٸندە وڭالتۋ كٶمەگٸ ەر جاعدايدا جەكە انىقتالادى", - دەدٸ ول.
ايتا كەتەيٸك, بۇعان دەيٸن الماتىداعى حالىقارالىق مەكتەپتە 1-سىنىپ وقۋشىسىنا زورلىق-زومبىلىق جاسالعانى حابارلاندى. پوليتسيياعا ۇل بالانىڭ اناسى ارىزدانعان. بۇل دەرەككە قاتىستى قىلمىستىق كودەكستٸڭ 121-بابى 3-بٶلٸگٸ (سەكسۋالدىق سيپاتتاعى زورلىق-زومبىلىق ەرەكەتتەرٸ) بويىنشا تەرگەۋ شارالارى باستالدى.
كەيٸنٸرەك الماتى وبلىسىنىڭ باقاناس اۋىلىندا 3 جاسار ەگٸز قىزدى ٶگەي ناعاشى اتاسى زورلاعانى بەلگٸلٸ بولدى.
ال كەشە كٸشكەنتاي قىزداردى زورلادى دەگەن كٷدٸككە ٸلٸنگەن 40 جاستاعى ەر ادام ۇستالىپ, قاماۋعا الىندى.
