ەلٸمٸزدەگٸ اق ماقتانى ٶسٸرەتٸن جالعىز ٶڭٸر بولىپ تابىلاتىن وڭتٷستٸك قازاقستان وبلىسىندا ماقتا تەرٸمٸ باستالدى, دەپ حابارلايدى "ۇلت اقپارات" ەكٸمنٸڭ باسپاسٶز قىزمەتٸنە سٸلتەمە جاساپ.
قازٸرگٸ تاڭدا اق التىندى جيناۋدى ماقتارال اۋدانىنداعى اتاماكەن, ش.دٸلدەبەكوۆ, ماقتالى, قىزىلقۇم, جامبىل جەنە قاراقوي اۋىلدارىنداعى ۇساق شارۋا قوجالىقتارى باستاپ كەتتٸ.
بيىل وبلىستا 134,6 مىڭ گەكتار جەرگە ماقتا شيتٸ سەبٸلگەن. بۇل ٶتكەن جىلمەن سالىستىرعاندا 25 مىڭ گەكتارعا ارتىق. 2016 جىلى شارۋالار ەر گەكتارىنا ورتاشا ەسەپپەن 26,2 تسەنتنەردەن ٶنٸم الىپ, بارلىعى 286,4 مىڭ توننا اق ۇلپا جيناعان. ەگٸس كٶلەمٸنٸڭ ارتۋىنا بايلانىستى ٶڭٸردە 300 مىڭ توننادان استام ماقتا جينالادى دەپ جوسپارلانۋدا.
ەلٸمٸزدەگٸ اق التىننىڭ وتانى سانالاتىن ماقتارال اۋدانىندا ٶتكەن جىلى 83 مىڭ گەكتارعا ماقتا شيتٸ سەبٸلسە, بيىل ماقتا القابى 95 مىڭ گەكتارعا جەتكەن. اۋدان شارۋالارى ٶتكەن جىلى 218 مىڭ توننا ٶنٸم جيناسا, بيىل دا مول ٶنٸم الۋدى كٶزدەپ وتىر.
وبلىس بويىنشا ماقتا داقىلى 9 اۋداندا ەگٸلەدٸ. العاش بولىپ جيىن-تەرٸم جۇمىستارى ماقتارال, شارادارا, سارىعاش اۋداندارىندا باساتالادى. ەڭ سوڭعى بولىپ اق التىندى تٷركٸستاندىق شارۋالار جينايدى.
ماقتا - ەكسپورتتىق ەلەۋەتٸ جوعارى داقىلداردىڭ بٸرٸ. ەلٸمٸز اق التىندى نەگٸزٸنەن رەسەي, قىتاي جەنە ەۆروپا ەلدەرٸنە ەكسپورتتايدى. مەسەلەن ٶتكەن جىلى اتالعان مەملەكەتتەرگە ەلٸمٸزدەن 58 مىڭ توننا ماقتا تالشىعى ەكسپورتتالعان.
