قاراشانىڭ توعىزى قازاق ەدەبيەتٸ ٷشٸن عانا ەمەس, قازاق جۇرتى ٷشٸن دە قارالى حابارىمەن ەستە قالعانداي بولدى. قازاق ەلٸنٸڭ بٸرتۋار پەرزەنتٸ, قر ەڭبەك سٸڭٸرگەن قايراتكەرٸ, «پاراسات» وردەنٸنٸڭ يەگەرٸ, حالىقارالىق «الاش» ەدەبي سىيلىعىنىڭ لاۋرەاتى, جۋرناليست, ساتيريك كٶپەن ەمٸربەك ٶمٸردەن وزدى.
قالامگەردٸڭ تۋعان جەرٸندە, وتىرار اۋدانىندا تاۋ تۇلعامەن قوشتاسۋ جيىنى ٶتتٸ. جيىندى اۋدان ەكٸمٸ سەكەن سۇلتانحانوۆ جٷرگٸزدٸ. قازاقستان رەسپۋبليكاسىنىڭ پرەزيدەنتٸ قاسىم-جومارت كەمەلۇلى توقاەۆ باستاپ, سەنات, مەجٸلٸس دەپۋتاتتارى, مينيسترلەر, قوعام قايراتكەرلەرٸ, وبلىس ەكٸمدەرٸ, قالىڭ وقىرماندارى مەن كٶپشٸلٸك قاۋىم كٶپەن ەمٸربەكتٸڭ وتباسى مەن جاقىندارىنا كٶڭٸل ايتىپ, قالىڭ قازاقتىڭ قايعىسىن بٶلٸسٸپ جاتتى.
اۋداندىق مەدەنيەت سارايىندا ٶتكەن قوشتاسۋ جيىنىنا قاتىسقان حالىقتىڭ دا قاراسى مول بولدى. قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ, پارلامەنت سەناتىنىڭ تٶراعاسى مەۋلەن ەشٸمباەۆتىڭ جەنە قر مەجٸلٸسٸنٸڭ تٶراعاسى, «امانات» پارتيياسىنىڭ باسشىسى ەرلان قوشانوۆتىڭ, مەدەنيەت جەنە سپورت مينيسترٸ دەۋرەن اباەۆتىڭ كٶڭٸل ايتۋ حاتتارىن قر مەدەنيەت جەنە سپورت ۆيتسە-مينيسترٸ نۇرقيسا دەۋەشوۆ كٶپكە وقىپ بەرٸپ, اعايىن-تۋىستارىنا تاپسىردى.
تٷركٸستان وبلىسىنىڭ ەكٸمٸ دارحان ساتىبالدىنىڭ كٶڭٸل ايتۋ حاتىن وبلىس ەكٸمٸنٸڭ ورىنباسارى سەكەن قالقامانوۆ, شىمكەنت قالاسىنىڭ ەكٸمٸ مۇرات ەيتەنوۆتٸڭ كٶڭٸل ايتۋ حاتىن قالا ەكٸمٸنٸڭ بٸرٸنشٸ ورىنباسارى شىڭعىس مۇقان وقىپ, قازالى جۇرتقا كٶڭٸل ايتتى. قر جازۋشىلار وداعىنىڭ حاتشىسى مەرەكە قۇلكەنوۆ, مەملەكەت جەنە قوعام قايراتكەرٸ شالاتاي مىرزاحمەتوۆ جەنە كٶپەن ەمٸربەكتٸڭ دوسى يساحان اقىلبەكوۆ سىندى تۇلعالار قالامگەردٸڭ ٶمٸر جولى, ەدەبيەت ەلەمٸنە سٸڭٸرگەن ەڭبەگٸ, ازاماتتىق تۇلعاسى تۋرالى ەستەلٸكتەر ايتىپ, سىر شەرتتٸ. باۋىرىنداي بولىپ ٶسكەن عالىم, سىنشى قۇلبەك ەرگٶبەكتٸڭ قيماستىق سٶزٸ كٶپتٸڭ كٶڭٸلٸن بوساتتى. قوشتاسۋ جيىنىنان سوڭ, قارالى جۇرت «ارىستان بابا» مەشٸتٸندەگٸ جانازا نامازىنا قاتىسىپ, قۇران باعىشتادى.
قازاقتاي ەل باردا, قازاق ەدەبيەتٸ باردا كٶپەن ەمٸربەكتٸڭ ەسٸمٸ ەشقاشان ٶشپەيدٸ. قالامگەردٸڭ ارتىندا قالعان رۋحاني مۇراسىنان ەلٸ تالاي وقىرمان سۋسىنداي بەرەرٸ انىق.
