كورەيا رەسپۋبليكاسىنىڭ بيلٸگٸ سىبايلاس جەمقورلىق جەنە قىزمەتتٸك ٶكٸلەتتٸگٸن اسىرا پايدالاندى دەگەن ايىپپەن 22 جىلعا سوتتالعان بۇرىنعى پرەزيدەنت پاك كىن حەگە راقىمشىلىق جاسايدى, دەپ حابارلايدى قازاقپارات Yonhap اگەنتتٸگٸنە سٸلتەمە جاساپ.
اگەنتتٸك مەلٸمەتٸنشە, 69 جاستاعى پاك كىن حە جاڭا جىل قارساڭىندا راقىمشىلىققا ٸلٸنەتٸن ادامداردىڭ تٸزٸمٸنە ەنگٸزٸلگەن. تيٸستٸ شەشٸم ونىڭ دەنساۋلىق جاعدايىن ەسكەرە وتىرىپ, گۋمانيتارلىق سەبەپتەرمەن قابىلدانعان. 2019 جىلى پاك كىن حە يىعىنا وتا جاساتقان, ال بيىل ەكس-پرەزيدەنت يىق پەن ومىرتقاداعى سوزىلمالى اۋرۋعا بايلانىستى ٷش رەت اۋرۋحاناعا تٷسكەن.
پاك كىن حە تٶڭٸرەگٸندەگٸ ساياسي جانجال 2016 جىلدىڭ قازان ايىندا ونىڭ قۇربىسى چحۆە سۋن سيلدٸڭ مەملەكەت باسشىسىنا ەسەرٸ تۋرالى اقپارات باسپاسٶزدە پايدا بولعان كەزدە تۋدى. جانجالعا قاتىستى تەرگەۋ ونىڭ بٸرنەشە جىل بويى ٷكٸمەتتٸڭ ەگجەي-تەگجەيٸنەن حاباردار بولىپ, ساياسي شەشٸمدەر قابىلداۋعا ارالاسقانىن كٶرسەتتٸ. سونىمەن قاتار, پرەزيدەنتتٸڭ قۇربىسى بٸرقاتار كومپانييالارعا قىسىم كٶرسەتٸپ, ونىڭ قاراماعىنداعى قورلارعا ونداعان ميلليون دوللار اۋدارۋعا مەجبٷرلەگەن.
سىبايلاس جەمقورلىق فاكتٸلەرٸ جەنە چحۆە سۋن سيلدٸڭ مەملەكەتتٸك قىزمەتكە زاڭسىز قاتىسۋ ەرەكەتتەرٸ انىقتالعاننان كەيٸن بٷكٸل ەلدە ٸرٸ شەرۋلەر تولقىنى ٶتٸپ, وعان قاتىسۋشىلار پرەزيدەنتتٸڭ دەرەۋ وتستاۆكاعا كەتۋٸن جاقتادى. پارلامەنت شەشٸمٸمەن پاك كىن حە قىزمەتٸنەن بوساتىلىپ, كەيٸن قاماۋعا الىندى.
وڭتٷستٸك كورەيا ساراپشىلارىنىڭ پٸكٸرٸنشە, ەلدٸڭ بۇرىنعى كٶشباسشىسىنىڭ بوساتىلۋى كەلەسٸ جىلدىڭ ناۋرىز ايىنداعى پرەزيدەنتتٸك سايلاۋعا ەسەر ەتەدٸ.
