رەسمي ٶكٸلدەردٸڭ حابارلاۋىنشا, سەنبٸ كٷنٸ ٶرت سالدارىنان ەلدٸڭ وڭتٷستٸك-شىعىس جاعالاۋىنداعى اتوم ەلەكتر ستانساسىنداعى تۋربينا جۇمىسىن توقتاتتى, دەپ حابارلايدى YONHAP اگەنتتٸگٸ.
Korea Hydro & Nuclear Power Co. مەملەكەتتٸك كومپانيياسىنىڭ دەرەكتەرٸنە ساي, ٶرت سەۋلدٸڭ وڭتٷستٸك-شىعىسىنا قاراي 400 شاقىرىمدا ورنالاسقان ۋلسانداعى Shin-Kori 4 رەاكتورىندا تۇتانعان.
ونىڭ دەرەگٸنشە, تٸلسٸز جاۋ بٸر ساعاتتان كەيٸن اۋىزدىقتالدى. وقيعا سالدارىنان ەشكٸم زارداپ شەككەن جوق, رادياتسييانىڭ جىلىستانۋى بولمادى.
يادرولىق قاۋٸپسٸزدٸك بويىنشا كوميسسييا زەرتتەۋدٸ باستادى. ونىڭ بارىسىندا ٶرتتٸڭ ناقتى سەبەپتەرٸن انىقتاۋ ماقسات ەتٸلٸپ وتىر. كوميسسييا مەلٸمەتتەرٸنە ساي, اەس اۋماعىندا رادياتسييانىڭ كٶتەرٸلۋٸ تٸركەلمەگەن.
