وڭتٷستٸك كورەيانىڭ وڭتٷستٸگٸندەگٸ كۆاڭدجۋ قالاسىندا قۇلاعان بەس قاباتتى عيماراتتىڭ جولاۋشىلار اۆتوبۋسىن باسىپ قالۋى سالدارىنان كەم دەگەندە توعىز ادام كٶز جۇمدى, سەگٸز ادام جاراقاتتاندى, دەپ حابارلايدى BBC اگەنتتٸگٸ.
ۇلتتىق ٶرتتەن ساقتاۋ قىزمەتٸنٸڭ دەرەگٸنشە, ٸشٸندە 17 جولاۋشىسى بار اۆتوبۋس بۇزۋعا ۇيعارىلعان عيماراتتىڭ تاپ قاسىنا توقتاعان كەزدە ول قۇلاعان.
قازٸر قايعىلى وقيعا ورنىندا ٶرت سٶندٸرۋشٸلەر ٷيٸندٸلەردٸڭ استىندا امان قالۋى مٷمكٸن ادامداردى قۇتقارۋ جۇمىستارىن جٷرگٸزۋدە. عيماراتتىڭ قۇلاۋ سەبەپتەرٸ تۋرالى ەلٸ ايتىلمادى.
ٶرت سٶندٸرۋ قىزمەتٸ ٶكٸلٸنٸڭ سٶزٸنشە, وندا بولعان بارلىق جۇمىسشىلار الدىن الا ەۆاكۋاتسييالانعان.
قۇلاعان عيماراتقا قاراما-قارسى ورنالاسقان دٷكەن يەسٸنٸڭ ايتۋىنشا, بۇل وقيعا جەر سٸلكٸنٸسٸنە ۇقساعان.
«مەن جولدى كٶرە الماي قالدىم – بەرٸن تۇمان باسىپ قالعانداي بولدى, - دەدٸ ول جۋرناليستەرگە. – كەيٸن مەن سىرتقى كامەرالاردىڭ جازباسىنان عيماراتتىڭ اۆتوبۋسقا قۇلاعانىن كٶردٸم».
