قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى قاشىقتان قۇربان شالۋ جٷيەسٸنٸڭ جۇمىسىن تٷسٸندٸردٸ, دەپ حابارلايدى قازاقپارات.
«قۇربان شالۋ – جاعدايى كەلگەن مۇسىلمانعا ۋەجٸپ بولىپ ەسەپتەلەدٸ. وسىناۋ ۇلتىق عيباداتتى ورىنداۋ ماقساتىندا دٸني باسقارما ەل مۇسىلماندارىنىڭ ٶتٸنٸشٸن ەسكەرە وتىرىپ, بيىل العاش رەت قۇربان ايت قارساڭىندا حالىقارالىق تەجٸريبەلەرگە سٷيەنٸپ, قاشىقتان قۇربان شالۋ جوباسىن قولعا الدىق. وسى ماقساتتا https://qurban2020.kz سايتى اشىلىپ, بٷگٸننەن باستاپ, 24 ساعات بويى ٸسكە قوسىلادى. 30 شٸلدەگە دەيٸن قۇربان شالۋعا ونلاين تاپسىرىس قابىلدانادى», - دەدٸ باس مٷفتي ورتالىق كوممۋنيكاتسييالار قىزمەتٸندە.
سپيكەردٸڭ ايتۋىنشا, ونلاين رەجيمدە تاپسىرىس قابىلداپ, قۇرباندىق ەتٸن مۇقتاج جاندارعا تاراتۋ تەجٸريبەسٸ تٷركييا, مالايزييا, يندونەزييا, باە سىندى بٸرقاتار مۇسىلمان مەملەكەتتەردە بۇرىننان قالىپتاسقان جەنە دەستٷرگە اينالعان.
«بۇل جٷيەنٸڭ باستى ەرەكشەلٸگٸ – قۇرباندىق ەتٸ تٷگەلدەي مۇقتاج جاندارعا تاراتىلادى. العاش رەت ٸسكە قوسىلعالى تۇرعان بۇل جٷيەنٸڭ كەمشٸلٸكتەرٸ بولۋى مٷمكٸن. تەحنيكالىق قيىندىقتار تۋىنداسا, تٷسٸنٸستٸكپەن قاراۋدى ٶتٸنەمٸز. ونلاين قۇرباندىق جٷيەسٸن اشۋداعى ماقسات – سىن-ساعاتتا پايدا تابۋ ەمەس, حالىقتىڭ قۇربان شالۋعا دەگەن قاجەتتٸلٸگٸن جٷزەگە اسىرۋ. دٸني باسقارمانىڭ ماقساتى – ازاماتتاردىڭ قۇرباندىعىن شالۋدى ۇيىمداستىرۋ. ونلاين تاپسىرىس ارقىلى قۇرباندىق شالۋ كەزٸندە داعدىعا اينالعان مالدى تاڭداۋ, قاساپشى جانىنا بارىپ قاتىسۋ مٷمكٸندٸگٸ بولمايىن دەپ تۇر. بۇل جوبانى كارانتين كەزٸندە قۇربان شالۋعا نيەت ەتكەن ازاماتتاردىڭ نيەتٸن جٷزەگە اسىرۋ مٷمكٸندٸگٸ رەتٸندە ۇسىنىپ وتىرمىز. اللا قالاسا, اتالمىش جوبا كەلەسٸ جىلى ٶز جالعاسىن تابادى دەپ ٷمٸتتەنەمٸز. ونلاين قۇرباندىق شالۋدا يمامدارىمىز دەلدالدىق قىزمەت جاسامايدى. ەكٸ ورتادا جٷرٸپ پايدا تابۋمەن اينالىسپايدى. بٸزدٸڭ مٸندەت – حالىققا قىزمەت, قۇرباندىق شالۋدى ۇيىمداستىرۋ مەن قۇربان ەتتەرٸن مۇقتاج جاندارعا ٷلەستٸرٸپ بەرۋ عانا», - دەدٸ ناۋرىزباي قاجى تاعانۇلى.
وسى كەزگە دەيٸن ازاماتتار قۇربان ەتٸن ٷشكە بٶلٸپ, بٸر بٶلٸگٸنە اعايىن-تۋىس, كٶرشٸ-قولاڭعا ايتتىق داستارحان جاياتىن. پاندەمييا جاعدايىنا بايلانىستى بيىلعى ونلاين قۇرباندىق شالىنعاندا ەتتٸڭ ٷشتەن بٸرٸ بەرٸلمەي, تٷگەلدەي مۇقتاج جاندارعا ٷلەستٸرٸلەتٸن بولادى.
