ٶڭٸرلەرگە كٶمٸر جٶنەلتۋ ۋاقىتى جٷرگٸزٸلۋدە. بۇل تۋرالى سەناتتىڭ جالپى وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«كٶمٸر باعاسىن ٶسٸرمەۋ ٷشٸن بٸراز ٸس-شارا قابىلدادىق. ەڭ الدىمەن كٶمٸر ٶندٸرەتٸن ٸرٸ كومپانييالارمەن قاراجىرا, بوگاتىر, شۇباركٶلمەن مەموراندۋمعا قول قويىلىپ, تۇراقتى باعاعا كەلٸستٸك. باعالارى 5 200-دەن باستالادى. ەڭ قىمباتى شۇباركٶل كٶمٸرٸنٸڭ تونناسى 5 700 تەڭگەدەن بولادى», - دەدٸ مينيستر سەنات دەپۋتاتتارىنىڭ ساۋالىنا وراي.
ونىڭ ايتۋىنشا, بيىلعى جىلىتۋ ماۋسىمىندا ٶڭٸرلەردەن 9,3 ملن توننا كٶمٸرگە سۇرانىس بولعان. قازٸرگٸ ۋاقىتتا بۇل كٶلەمنٸڭ 8,8 ملن تونناسى ٶڭٸرلەرگە جٶنەتٸلدٸ.
«بٷگٸنگٸ تاڭدا ۆاگوندار ۋاقىتىلى بەرٸلٸپ جاتىر. كٶمٸر كەنٸشتەرٸندەگٸ باعا تۇراقتى. كٶمٸر ٶڭٸرلەرگە جەتكٸزٸلگەندە ولاردىڭ ٶزدەرٸنٸڭ بٶلۋ ورتالىقتارى بار. قازٸرگٸ ۋاقىتتا شۇباركٶل كٶمٸرٸنە سۇرانىس كٶپ بولعاندىقتان قاراشا ايىندا 484 مىڭ توننا كٶمٸرگە قوسىمشا تاپسىرىس بەردٸك. كٶمٸر ۋاقىتى تيەلٸپ جٶنەلتٸلٸپ جاتىر. ٶڭٸرلەردەن تاعى سۇرانىس بولسا, وندا كٶمٸر كٶلەمٸن ارتتىرۋعا دايىنبىز»,- دەدٸ بەيبٸت اتامقۇلوۆ.
