فوتو: Sputnik / سترينگەر
ٶڭٸردە تاسقىن جاعداي كٷردەلٸ بولىپ بارادى. بٷگٸن تاڭەرتەڭ سەرگەەۆ سۋ قويماسىندا اسىپ تٶگٸلۋ 415 سم قۇرادى, دەپ جازدى سولتٷستٸك قازاقستان وبلىسىنىڭ ەكٸمٸ عاۋەز نۇرمۇحامبەتوۆ ەلەۋمەتتٸك جەلٸدە, دەپ حابارلايدى «ۇلت اقپارات» Sputnik قازاقستانعا سٸلتەمە جاساپ.
"ٶڭٸردە تاسقىن جاعداي كٷردەلٸ بولىپ بارادى. بٷگٸن تاڭەرتەڭ سەرگەەۆ سۋ قويماسىندا اسىپ تٶگٸلۋ 415 سم قۇرادى. 2017 جىلعى تاسقىننىڭ كٶرسەتكٸشتەرٸنەن ەلدەقايدا اسىپ تٷستٸ. سوندىقتان, ەلدٸ-مەكەندەر مەن وبلىس ورتالىعىن سۋدان قورعاۋ ٷشٸن كٷنٸ-تٷنٸ ٸس-قيمىلدار جاسالۋدا. ەڭ باستىسى تۇرعىنداردى قاۋٸپسٸز جەرگە كٶشٸرۋ جەنە مٷلٸكتٸ ساقتاۋعا, ٷلكەن سۋدىڭ كەلە جاتقانى تۋرالى دەر كەزٸندە اقپارات بەرۋگە كٶپ كٶڭٸل بٶلۋ كەرەك", – دەپ جازدى سقو ەكٸمٸ عاۋەز نۇرمۇحامبەتوۆ.
وبلىستا مەملەكەت باسشىسىنىڭ تاپسىرماسىنا ساي جۇمىس بابىمەن پرەمەر-مينيستردٸڭ بٸرٸنشٸ ورىنباسارى رومان سكليار جٷر. بٸرٸنشٸ ۆيتسە-پرەمەر تاسقىن جاعدايىنا بايلانىستى جينالىس ٶتكٸزدٸ, ستراتەگييالىق ماڭىزى بار نىساندار مەن بٶگەتتەردٸڭ جاعدايىن تەكسەردٸ.
قۇرىلىس جەنە جول كومپانييالارىنىڭ باسشىلارىمەن كەزدەسٸپ, سۋ تاسقىنىنا قارسى شارالارعا قاتىسۋعا ٷندەدٸ. ٷلكەن سۋ كەلگەن اۋىلداردىڭ تۇرعىندارىمەن جٷزدەسٸپ, مەملەكەت بارلىق كٶمەكتٸ جاسايتىنىن جەتكٸزدٸ.
سكلياردىڭ تاپسىرماسى بويىنشا بٶگەتتەردٸ نىعايتۋ جەنە ولاردى ۇزارتۋ, كٷشتەر مەن ارنايى تەحنيكانىڭ سانىن كٶبەيتۋ, موبيلدٸ توپتار قۇرۋ بويىنشا جۇمىستار اتقارىلۋدا.
