29 قازان كٷنٸ ا.توقماعامبەتوۆ اتىنداعى قالالىق مەدەنيەت ٷيٸندە جاڭاقورعان اۋدانىنىڭ قىزىلوردا قالاسىنىڭ 200 جىلدىق مەرەيتويىنا ارنالعان «ٶنەر قونعان – قىزىلوردا» اتتى كٶركەم ٶنەرپازداردىڭ وبلىستىق ٶنەر فەستيۆالٸ ٶتتٸ.
فەستيۆالدٸڭ كونتسەرتتٸك باعدارلاماسى «ارايلى اقمەشٸتكە – قاراتاۋدان قوڭىر ساز» دەپ اتالدى.
سونىمەن قاتار, قىزىلوردا قالاسىنداعى قورقىت اتا مەموريالدىق كەشەنٸنە تولىقتاي جاڭعىرتۋ جۇمىستارى دەمەۋشٸلەردٸڭ قارجىلىق كٶمەگٸمەن جٷرگٸزٸلدٸ. بۇل جاڭاقورعان اۋدانىنىڭ قىزىلوردا قالاسىنىڭ 200 جىلدىق مەرەيتويىنا جاساعان تارتۋى. ەسكەرتكٸش اۋماعى اباتتاندىرىلىپ, كٶگالداندىرىلدى, كەراموگرانيتپەن قايتا قاپتالدى. جاڭاقورعان اۋدانى كٷندەرٸ بارىسىندا وبلىس ەكٸمٸ ق.كٶشەرباەۆ ەسكەرتكٸشتٸڭ قايتا جاڭعىرتۋ جۇمىستارىمەن تانىستى.
بۇعان دەيٸن قىزىلوردا قالاسىندا جالاعاش, ارال, قازالى جەنە شيەلٸ اۋداندارىنىڭ كٷندەرٸ ٶتتٸ. قىزىلوردانىڭ 200 جىلدىق مەرەيتويىنا تارتۋ رەتٸندە "جالاعاش-جىردىڭ مەكەنٸ" كٶرمەسٸ ۇيىمداستىرىلىپ, «ارال تارتۋى» مەن «جالاڭتٶس باحادٷر» اللەيالارى, «ەڭبەك اللەياسى» جاڭعىرتىلدى.
