اقتٶبەدە قارجى پيراميداسىنا قاتىستى تەرگەۋ جٷرٸپ جاتىر. قازٸر 10 مىڭنان استام ادامنىڭ اقشا سالعانى انىقتالدى, دەپ حابارلايدى "ۇلت اقپارات".
اقتٶبە وبلىستىق پوليتسييا دەپارتامەنتٸ «گولد» قارجى پيراميداسىنا اقشا اۋدارىپ, پايداعا كەنەلمەك بولعانداردىڭ تٸزٸمٸن جاساپ جاتىر. قازٸر سوت الدى تەرگەۋ جۇمىستارى باستالدى.
«قازٸرگٸ ۋاقىتتا 10 مىڭنان استام سالىمشى انىقتالدى. ولاردىڭ شىعىنى ەسەپتەلٸپ جاتىر. «گولد» جشس-مەن ارادا كەلٸسٸمشارت بار. زەرگەرلٸك بۇيىمداردى باعالاۋ, زەرگەرلٸك بۇيىمداردى ساتۋ مەن سەرۆيستٸك قىزمەت تۋرالى عانا جازىلعان. بۇعان دەيٸن بٸرنەشە رەت باق ارقىلى بەيمەلٸم ۇيىمدارعا قارجى سالماۋ, ساق بولۋ تۋرالى ەسكەرتٸپ, حابارلاما بەرگەن بولاتىنبىز. ەرٸ ەلەۋمەتتٸك جەلٸنە تاراتقان اقپاراتتارعا سەنۋگە بولمايدى», - دەدٸ اقتٶبە وبلىستىق پوليتسييا دەپارتامەنتٸ باستىعىنىڭ ورىنباسارى سامات ايسوۆ.
اقتٶبەلٸك سالىمشىلار سەرٸكتەستٸك عيماراتىنا بارىپ, پوليتسييا قىزمەتكەرلەرٸمەن كەزدەستٸ.
«كٶبٸ العاشقى كەزەڭدە ەسكەرتٸپ, حابارلاما بەرۋ كەرەك ەدٸ دەپ ۋەج ايتتى. كومپانييا جۇمىسىن توقتاتپاس بۇرىن ۇلتتىق بانك, مەملەكەتتٸك كٸرٸستەر ورگاندارىنا سۇرانىس جٸبەرٸپ, قارجىلىق قىزمەتٸ تۋرالى بٸلۋٸمٸز كەرەك. تەكسەرە كەلە, رەسەي ازاماتتارىنىڭ ەشقانداي ەسەپشوتى جوق ەكەنٸن بٸلدٸك. بۋحگالتەرلٸك ەسەپ جٷرگٸزٸلمەگەن. باسشىلارى كەشكٸلٸك كەلٸپ, سەيفتەن اقشا الىپ وتىرعان. بارى وسى», - دەدٸ سامات ايسوۆ.
ەسكە سالساق, وسى وقيعا بويىنشا قىلمىستىق كودەكستٸڭ 217-بابى, ياعني, «قارجى (ينۆەستيتسييالىق) پيراميداسىن قۇرۋ جەنە باسقارۋ» بويىنشا قىلمىستىق ٸستٸ تەرگەۋ شەڭبەرٸندە ۇيىم كەڭسەسٸندە تٸنتۋ جٷرگٸزٸلدٸ. قۇجاتتاما, كومپيۋتەرلٸك تەحنيكا تەركٸلەندٸ.
