كوروناۆيرۋستىڭ جاڭا «وميكرون» شتامى جانۋارلار اراسىندا مۋتاتسيياعا ۇشىراپ, ودان كەيٸن بارىپ ادامدارعا جۇققان بولۋى مٷمكٸن. بۇعان جاڭا شتامنىڭ ەرەكشەلٸكتەرٸ كۋە. مۇنداي پٸكٸردٸ دنكوم مولەكۋلالىق-گەنەتيكالىق زەرتتەۋلەر عىلىمي ورتالىعىنىڭ نەگٸزٸن قالاۋشىسى مەن باس ديرەكتورى اندرەي يساەۆ بٸلدٸردٸ, دەپ حابارلايدى قازاقپارات تاسس اگەنتتٸگٸنە سٸلتەمە جاساپ.
«وميكرون» شتامىن بٸرٸنشٸ بولىپ تاراتقان ناۋقاستىڭ يممۋن تاپشىلىعى بار ەكەنٸن, سوزىلمالى ايتۆ ينفەكتسيياسىمەن اۋىراتىنىن بٸلەمٸز. سونىمەن قاتار ناۋقاس كوۆيدتىڭ سوزىلمالى تٷرٸمەن اۋىرعان. COVID-19 ونىڭ اعزاسىندا مۋتاتسييالانعان بولۋى مٷمكٸن. الايدا مەنٸڭ تەورييام كٸشكەنە باسقاشا. بٸز ٸرٸ مىسىقتار, بۇعى مەن قاراكٷزەننٸڭ ەرتٷرلٸ تٷرلەرٸ سيياقتى سٷتقورەكتٸلەردٸڭ كوروناۆيرۋسپەن اۋىراتىنىن بٸلەمٸز. وڭتٷستٸك افريكادا ادامدار جانۋارلارمەن تىعىز بايلانىستا. COVID-19 ٸرٸ سٷتقورەكتٸلەرگە ٶتٸپ, ولاردىڭ اعزاسىندا ەۆوليۋتسيياعا ۇشىرايدى دەپ ويلايمىن. سەبەبٸ ۆيرۋستىڭ تٷرارالىق اۋىسۋى كەزٸندە اقۋىزدار كومبيناتوريكاسىندا ٶزگەشە ايىرماشىلىقتار بولىپ, گەنەتيكالىق تٷرلٸلٸك قالىپتاسادى», - دەدٸ يساەۆ.
ونىڭ ويىنشا, اتالعان شتامم تابىلعان ناۋقاس قاتە انىقتالعان بولۋى مٷمكٸن. «عالىمدار «نٶلدٸك ناۋقاس» رەتٸندە يممۋن تاپشىلىعى بار ادامدى تٸركەگەن, ونىڭ بۇرىس انىقتالعان بولۋى مٷمكٸن. ناۋقاس جەرگٸلٸكتٸ اڭشى, وڭتٷستٸك افريكالىق رەيندجەر, ساۆانناعا كەتەتٸن, قورىقتا جۇمىس ٸستەيتٸن ادامنان جۇقتىرعان بولۋى ىقتيمال», - دەپ تٷسٸندٸردٸ ول.
