فوتو: primeminister.kz
قازاقستان رەسپۋبليكاسى پرەزيدەنتٸنٸڭ تاپسىرماسى بويىنشا پرەمەر-مينيستر ولجاس بەكتەنوۆ نيۋ-دەليگە جۇمىس ساپارى اياسىندا ٷندٸستان رەسپۋبليكاسىنىڭ پرەمەر-مينيسترٸ نارەندرا موديمەن ەكٸجاقتى كەزدەسۋ ٶتكٸزٸپ, India AI Impact Summit 2026 حالىقارالىق سامميتٸنە قاتىستى, دەپ حابارلايدى Ult.kz.
ولجاس بەكتەنوۆ ٷندٸستان پرەمەر-مينيسترٸنە قازاقستان پرەزيدەنتٸنٸڭ اتىنان جىلى لەبٸزدەرٸن جەتكٸزدٸ. ٶز كەزەگٸندە نارەندرا مودي قاسىم-جومارت توقاەۆقا ٸزگٸ تٸلەكتەرٸن جولدادى جەنە ستراتەگييالىق ەرٸپتەستٸكتٸ جاڭا دەڭگەيگە شىعارۋ بويىنشا بٸرلەسكەن جۇمىستى جالعاستىرۋ نيەتٸن بٸلدٸردٸ.
2025 جىلدىڭ قورىتىندىسى بويىنشا ەكٸ ەل اراسىنداعى تاۋار اينالىمى $923,3 ملن-دى قۇرادى. ساۋدا جەنە ينۆەستيتسييالار, ەنەرگەتيكا, اٶك, تسيفرلاندىرۋ جەنە جي سالاسىنداعى ىنتىماقتاستىقتى ودان ەرٸ دامىتۋ مەسەلەلەرٸ تالقىلاندى. قازاقستان ٷندٸستان نارىعىنا 40 تاۋارلىق پوزيتسييا بويىنشا $150 ملن-عا ٶنٸم جەتكٸزۋ كٶلەمٸن ۇلعايتۋعا دايىن. ماڭىزدى مينەرالدار مەن سيرەك جەر ەلەمەنتتەرٸ, عارىش, قورعانىس ٶنەركەسٸبٸ سالالارىنداعى ٶزارا ٸس-قيمىلدى كەڭەيتۋدٸڭ ەلەۋلٸ ەلەۋەتٸ اتاپ ٶتٸلدٸ.
پرەمەر-مينيستر ەلەمنٸڭ 50-دەن استام ەلٸنەن, سونىڭ ٸشٸندە مەملەكەت جەنە ٷكٸمەت باسشىلارى, سونداي-اق IT سالاسىنداعى ساراپشىلار مەن عىلىمي قاۋىمداستىق ٶكٸلدەرٸ جينالعان India AI Impact Summit 2026 سامميتٸنە قاتىستى.
ولجاس بەكتەنوۆ پلەنارلىق سەسسييادا سٶيلەگەن سٶزٸندە وزىق تەحنولوگييالاردىڭ ەكونوميكالىق ەلەۋەتٸنە جەنە ولاردىڭ جاھاندىق ٶسۋ قۇرىلىمىنداعى ەسەرٸنە نازار اۋداردى.
«بٸز ينتەللەكتٸنٸڭ ينكليۋزيۆتٸ, دەربەس جەنە ەڭ باستىسى ەكونوميكانىڭ نەگٸزگٸ سەكتورلارىن ترانسفورماتسييالايتىن كٷشكە يە بولۋى كەرەك ەكەنٸنە سەنٸمدٸمٸز. بٷگٸندە قازاقستان ٶڭٸرلٸك تسيفرلىق ورتالىققا اينالۋدا. سونداي-اق بۇۇ-نىڭ ەلەكتروندىق ٷكٸمەتتٸ دامىتۋ يندەكسٸندە 193 ەلدٸڭ ٸشٸندە 24-شٸ ورىندا تۇرمىز. ەلٸمٸز, سونىمەن قاتار ونلاين-قىزمەتتەردٸڭ ساپاسى بويىنشا ەلەمدەگٸ ەڭ ٷزدٸك وندىققا كٸرەدٸ. پرەزيدەنت قاسىم-جومارت توقاەۆ ٷش جىل ٸشٸندە قازاقستاندى تولىق تسيفرلىق ەلگە اينالدىرۋ ماقساتىن قويدى. جاساندى ينتەللەكت بٸزدٸڭ ۇلتتىق دامۋىمىزدىڭ ستراتەگييالىق تٸرەگٸ بولىپ سانالادى», — دەپ اتاپ ٶتتٸ ولجاس بەكتەنوۆ.
قازاقستان پرەمەر-مينيسترٸ ەلەمدٸك تەحنولوگييالىق كومپانييالاردى وزىق تەحنولوگييالاردى دامىتۋ سالاسىنداعى ىنتىماقتاستىققا شاقىردى.
مەملەكەت باسشىسى جارييالاعان تسيفرلاندىرۋ جەنە جي جىلى اياسىندا قازاقستاندا تسيفرلىق ەكونوميكانى دامىتۋ بويىنشا جۇمىستار جٷرگٸزٸلۋدە. يننوۆاتسييانى رەتتەۋ مەن ىنتالاندىرۋ اراسىنداعى تەپە-تەڭدٸكتٸ قامتاماسىز ەتەتٸن «جاساندى ينتەللەكت تۋرالى» زاڭ قابىلداندى. پرەزيدەنت جانىنان قۇرىلعان جي-دٸ دامىتۋ جٶنٸندەگٸ كەڭەس بٸر پلاتفورمادا جەتەكشٸ ەلەمدٸك ۆيزيونەرلەردٸ بٸرٸكتٸردٸ. ورتالىق ازييادا العاش رەت ەكٸ ٸرٸ سۋپەركومپيۋتەر كلاستەرٸ ورنالاستىرىلدى, NVIDIA-مەن سەرٸكتەستٸكتە دەربەس جي حابىن قۇرۋ جوباسى جٷزەگە اسىرىلۋدا. بيىل ەزەربايجاندىق سەرٸكتەستەرمەن بٸرلەسٸپ, ترانسكاسپيي تالشىقتى-وپتيكالىق جەلٸسٸنٸڭ قۇرىلىسىن اياقتاۋ جاھاندىق دەرەكتەر ترافيگٸ ٷشٸن ەڭ قىسقا بالاما مارشرۋتتى قامتاماسىز ەتەدٸ, بۇل قازاقستانعا شىعىس پەن باتىس اراسىنداعى تسيفرلىق كٶپٸر بولۋعا جول اشادى. ەكٸباستۇز قالاسىندا جٷزەگە اسىرىلىپ جاتقان فلاگماندىق «دٶو-لار القابى» جوباسى دا ٸرٸ دەرەكتەر ورتالىقتارى ٷشٸن ەكوجٷيە قالىپتاستىرۋعا مٷمكٸندٸك بەرەدٸ. مەملەكەت ينفراقۇرىلىم, جوبالاردى سٷيەمەلدەۋ جەنە تاعى دا باسقا قاجەتتٸ قولداۋدىڭ بارلىق تٷرٸن ۇسىناتىنى اتاپ ٶتٸلدٸ.
فورۋم قورىتىندىسى بويىنشا دەلەگاتسييا باسشىلارى India AI Impact Expo 2026 حالىقارالىق كٶرمەسٸنە باردى, وندا جاساندى ينتەللەكت سالاسىنداعى پراكتيكالىق شەشٸمدەر, تەحنولوگييالار جەنە قولدانبالى ەزٸرلەمەلەر ۇسىنىلدى. ەكسپوزيتسييا ٶنەركەسٸپ, قارجى, دەنساۋلىق ساقتاۋ, قاۋٸپسٸزدٸك جەنە تاعى دا باسقا سالالاردىڭ كەڭ اۋقىمىن قامتىدى.
