شتابتىڭ نەگٸزگٸ مٸندەتٸ – سۋ تاسقىنىنا قارسى ٸس-شارالاردى جٷرگٸزۋ جەنە ازاماتتاردىڭ قاۋٸپسٸزدٸگٸن قامتاماسىز ەتۋ جٶنٸندەگٸ قىزمەتتٸ ٷيلەستٸرۋ.
شتاب باسشىسى – پرەمەر-مينيستر ولجاس بەكتەنوۆ, پرەمەر-مينيستردٸڭ ورىنباسارى قانات بوزىمباەۆ شتاب باسشىسىنىڭ ورىنباسارى بولىپ تاعايىندالدى. شتاب قۇرامىنا پرەزيدەنت ەكٸمشٸلٸگٸنٸڭ باسشىلىعى, ورتالىق جەنە جەرگٸلٸكتٸ اتقارۋشى ورگانداردىڭ باسشىلارى كٸردٸ.
وتىرىستا مەملەكەت باسشىسىنىڭ تاپسىرمالارىنىڭ ورىندالۋ بارىسى جەنە سۋ تاسقىنىنا قارسى ٸس-شارالاردى كٷشەيتۋ شارالارى تۋرالى مينيسترلەر مەن ٶڭٸرلەردٸڭ ەكٸمدەرٸ تىڭدالدى.
تج ايماقتارىنان بارلىعى 11 306 ادام ەۆاكۋاتسييالاندى. ۋاقىتشا ورنالاستىرۋ بەكەتتەرٸندە 5 456 ادام بار. سۋ شايىپ كەتكەن 40 اۆتوجولدى, كٶپٸردٸ جەنە 39 جول تٶسەمٸن قالپىنا كەلتٸرۋ جۇمىستارى باقىلاۋعا الىندى. كٶلٸك قاتىناسى توقتاپ قالعان ەلدٸ مەكەندەرمەن بايلانىس ورناتىلىپ, ەكٸمدٸكتەر ازىق-تٷلٸك پەن دەرٸ-دەرمەكتٸڭ قاجەتتٸ قورلارىن دايىندادى. تج ايماقتارىنداعى حالىققا كٶمەك كٶرسەتۋ تەۋلٸك بويى, ونىڭ ٸشٸندە ەۋە كەمەلەرٸنٸڭ كٶمەگٸمەن جٷزەگە اسىرىلۋدا. جۇمىسقا 7 مىڭنان استام ادام, 2 مىڭنان استام تەحنيكا, ونىڭ ٸشٸندە سۋ ايداۋ قۇرالدارى, جٷزۋ جەنە ەۋە كەمەلەرٸ تارتىلدى.
سۋ قويمالارى مەن ٶزەندەردەگٸ جاعدايعا مونيتورينگ جٷرگٸزٸلۋدە. قازٸرگٸ ۋاقىتتا اقتٶبە, سازدى, اششىسۋ, جارتاس سۋ قويمالارى ترانزيتتٸك رەجيمدە جۇمىس ٸستەپ تۇر, بەلسەندٸ تٷردە سۋ جٸبەرۋ جٷزەگە اسىرىلۋدا. قارعالى سۋ قويماسى جيناقتاۋ رەجيمٸندە. ەكٸمدٸكتەر سۋ تاسقىنىنىڭ قاۋپٸ جوعارى ٶڭٸرلەردە الدىن الۋ شارالارىن جٷرگٸزٸپ جاتىر. قاجەت بولعان جاعدايدا قوسىمشا كٷشتەر مەن قۇرالدار جٸبەرٸلەدٸ.
تج سالدارىنان قيراعان ٷيلەردٸ قالپىنا كەلتٸرۋ جۇمىستارى مەن سالۋعا قر ٷكٸمەتٸ مەن جەرگٸلٸكتٸ اتقارۋشى ورگانداردىڭ رەزەرۆتەرٸنەن قاراجات بٶلٸنەتٸن بولادى. ٷيٸ اپاتتى دەپ تانىلعان زارداپ شەككەن ازاماتتاردىڭ تٸزٸمٸن جەرگٸلٸكتٸ ەكٸمدٸكتەر جاسايدى.
«مەملەكەت باسشىسى سۋ تاسقىنىنا قارسى ٸس-شارالاردى قاناعاتتانارلىقسىز دەپ سىنعا الدى. قازٸردەن باستاپ اپاتتان كەلتٸرٸلگەن زالالدىڭ كٶلەمٸن باعالاۋدى باستاپ, زارداپ شەككەن ادامدارعا دەرەۋ ماتەريالدىق كٶمەك كٶرسەتۋگە كٸرٸسۋ كەرەك. سونداي-اق بولاشاقتا مۇنداي اۋقىمدى سۋ تاسقىنىنىڭ الدىن الۋ ٷشٸن كەشەندٸ شارالار ەزٸرلەۋ قاجەت. ەر ٶڭٸردە ناقتى ٸس-قيمىل جوسپارى بولۋعا تيٸس», — دەپ اتاپ ٶتتٸ شتاب تٶراعاسى ولجاس بەكتەنوۆ.
