فوتو: primeminister.kz
پرەمەر-مينيستر ولجاس بەكتەنوۆ ەكونوميكا جەنە كەسٸپكەرلٸك سالاسىنداعى ساراپشىلار قاۋىمداستىعىنىڭ ٶكٸلدەرٸمەن كەزدەستٸ. بۇل تۋرالى Ult.kz, primeminister.kzكە سٸلتەمە جاساپ حابارلايدى.
كەزدەسۋدٸڭ باستى ماقساتى – ەكونوميكانىڭ تۇراقتى ٶسۋٸنە قول جەتكٸزۋ بويىنشا ٷكٸمەتتٸڭ ەكونوميكالىق بلوگىنىڭ شارالارى مەن تەسٸلدەرٸن تالقىلاۋ. پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين ەلٸمٸزدەگٸ قازٸرگٸ ەكونوميكالىق جاعداي تۋرالى بايانداپ, ٶنەركەسٸپتٸ دامىتۋ, ينفراقۇرىلىمدى جاڭعىرتۋ, ٶڭٸرلەردە ٶسٸمنٸڭ جاڭا مٷمكٸندٸكتەرٸن ٸسكە قوسۋ جٶنٸندەگٸ مٸندەتتەردٸ شەشۋ ٷشٸن سالىق-بيۋدجەت رەفورماسىن جٷرگٸزۋ تەسٸلدەرٸن ايتتى.
كەزدەسۋگە قاتىسۋشىلار مەملەكەتتٸك قارجىنى تۇراقتاندىرۋ جەنە ولاردى تيٸمدٸ پايدالانۋ شارالارى بەكٸتٸلگەن جاڭا سالىق جەنە بيۋدجەت كودەكستەرٸ جوبالارىن تالقىلادى.
كەزدەسۋ بارىسىندا «اتامەكەن» ۇكپ تٶرالقا تٶراعاسى رايىمبەك باتالوۆ, «قازاقستان ماشينا جاساۋشىلار وداعى» زتب باسقارما تٶراعاسى مەيرام پٸشەمباەۆ, «تاۋ-كەن ٶندٸرۋ جەنە تاۋ-كەن مەتاللۋرگييا كەسٸپورىندارىنىڭ رەسپۋبليكالىق قاۋىمداستىعى» زتب اتقارۋشى ديرەكتورى نيكولاي رادوستوۆەتس, «قازاقستاننىڭ قۇرىلىس سالۋشىلار قاۋىمداستىعى» زتب پرەزيدەنتٸ ۆيكتور ميكريۋكوۆ, «اتامەكەن» ۇكپ تٶرالقاسى فارماتسەۆتيكالىق, مەديتسينالىق ٶنەركەسٸپ جەنە مەديتسينالىق قىزمەتتەر كوميتەتٸنٸڭ تٶراعاسى نۇرجان وتارباەۆ, «قازاقستان قارجىگەرلەرٸنٸڭ قاۋىمداستىعى» زتب كەڭەسٸنٸڭ تٶراعاسى ەلەنا باحمۋتوۆا, «KAZENERGY» قازاقستان مۇناي-گاز جەنە ەنەرگەتيكا كەشەنٸ ۇيىمدارىنىڭ قاۋىمداستىعى» زتب تٶراعاسى ماعزۇم مىرزاعاليەۆ ۇسىنىلىپ وتىرعان ٶزگەرٸستەردٸڭ ەكونوميكانىڭ تٷرلٸ سالالارىنا ەسەرٸ تۋرالى ايتتى.
ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸ ديرەكتورلار كەڭەسٸنٸڭ تٶراعاسى جاقسىبەك قۇلەكەەۆ, «NAC Analytica» كورپوراتيۆتٸك قورى باسقارماسىنىڭ تٶراعاسى راسۋل رىسمامبەتوۆ, «Dasco Consulting group» جشس باسقارۋشى سەرٸكتەسٸ دەرمەن سەدۋاقاسوۆ, «Fortune Partners» جشس باس ديرەكتورى, MNU سالىق قۇقىعى مەكتەبٸنٸڭ باسشىسى دانا توقمۋرزينا, قم مەملەكەتتٸك قارجى جٶنٸندەگٸ قوعامدىق كەڭەسٸنٸڭ تٶراعاسى رۋستام جٷرسٸنوۆ, «كوممەنتاريي» تالداۋ توبىنىڭ جەتەكشٸسٸ, ەكونوميست ەلدار شامسۋتدينوۆ بايىپتى پٸكٸرلەرٸن ورتاعا سالدى. سونداي-اق تالقىلاۋعا «تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقباەۆ, «DESHT» تالداۋ ورتالىعىنىڭ جەتەكشٸسٸ قۋانىش جايىقوۆ, ەكونوميست عالىمجان ايتقازين, تەۋەلسٸز قارجى ساراپشىسى اندرەي چەبوتارەۆ, «Visor Kazakhstan» ينۆەستيتسييالىق كومپانيياسىنىڭ باسقارۋشى سەرٸكتەسٸ الماس چۋكين جەنە باسقالار قاتىستى.
پرەمەر-مينيستر كەزدەسۋگە قاتىسۋشىلارعا سىندارلى ديالوگ ٷشٸن العىس بٸلدٸرٸپ, ۇلتتىق ەكونوميكا, قارجى مينيسترلٸكتەرٸنە سالىق-بيۋدجەت سالاسىن رەفورمالاۋ مەسەلەلەرٸ بويىنشا ايتىلعان ۇسىنىستاردى پىسىقتاۋدى تاپسىردى.
«پرەزيدەنت ناقتى سەكتوردى دامىتۋدى كٷشەيتە وتىرىپ, ەكونوميكا قۇرىلىمىن ٶزگەرتۋ مٸندەتٸن قويدى. سوندىقتان تالقىلاناتىن رەفورمالار ەلٸمٸز ٷشٸن ماڭىزدى. سالىق-بيۋدجەت رەفورماسى ەكونوميكانى ودان ەرٸ دامىتۋ جٶنٸندەگٸ جۇمىستى جەتٸلدٸرۋدٸڭ پەرمەندٸ تەتٸگٸ بولماق», — دەپ اتاپ ٶتتٸ ولجاس بەكتەنوۆ.
ٷكٸمەت ەكونوميكالىق ٶسۋدٸ ىنتالاندىرۋدىڭ بارىنشا تيٸمدٸ شارالارىن پىسىقتاۋ ٷشٸن ساراپشىلارمەن بەلسەندٸ تٷردە جۇمىس ٸستەۋدٸ جالعاستىرۋدا.
