مەملەكەت باسشىسىنىڭ تاپسىرماسى بويىنشا پرەمەر-مينيستر ولجاس بەكتەنوۆ قازاقستان رەسپۋبليكاسىنىڭ تٶراعالىعىمەن ٶتكٸزٸلەتٸن حالىقارالىق ارالدى قۇتقارۋ قورى باسقارماسىنىڭ بٸرٸنشٸ وتىرىسىنا قاتىسۋشى ەلدەر دەلەگاتسييالارى باسشىلارىمەن كەزدەسۋ ٶتكٸزدٸ. بۇل تۋرالى ٷكٸمەتتٸڭ باسپاسٶز قىزمەتٸ حابارلادى.
كەزدەسۋ بارىسىندا ترانسشەكارالىق سۋ رەسۋرستارىن بٸرلەسٸپ پايدالانۋ مەسەلەلەرٸ, سونداي-اق ارال تەڭٸزٸ باسسەينٸندەگٸ ەكولوگييالىق جەنە ەلەۋمەتتٸك-ەكونوميكالىق مەسەلەلەردٸ ودان ەرٸ شەشۋ شارالارى قارالدى.
قازاقستان 2024-2026 جىلدار ارالىعىندا حالىقارالىق ارالدى قۇتقارۋ قورىنىڭ تٶراعاسى بولىپ سانالادى.
«بٷگٸندە مەملەكەتتەرٸمٸزدٸڭ باسشىلارى سۋ سالاسىنا ەرەكشە كٶڭٸل بٶلٸپ وتىر. قازاقستان پرەزيدەنتٸ قاسىم-جومارت توقاەۆ ارالدى قۇتقارۋ ۇزاقمەرزٸمدٸ حالىقارالىق ىنتىماقتاستىقتىڭ باسىم باعىتىنا اينالۋى تيٸس ەكەنٸن باسا ايتتى. قوردىڭ باستى مٸندەتٸ – ورتالىق ازييانىڭ سۋ-ەنەرگەتيكالىق رەسۋرستارىن قورعاۋ, ولاردىڭ ەلەۋمەتتٸك-ەكونوميكالىق, ەنەرگەتيكالىق, يرريگاتسييالىق جەنە ەكولوگييالىق ماڭىزدىلىعىن ەسكەرە وتىرىپ, ولاردى كەشەندٸ ەرٸ ۇتىمدى پايدالانۋ. ورتاق كٷش-جٸگەرٸمٸزدٸڭ ارقاسىندا ەلدەرٸمٸز ٷشٸن ماڭىزدى سانالاتىن بٸرەگەي سۋ ايدىنىنىڭ جاعدايىن ساپالى تٷردە جاقسارتا الامىز دەپ ٷمٸتتەنەمٸن», — دەپ اتاپ ٶتتٸ ولجاس بەكتەنوۆ.
قابىلدانىپ جاتقان شارالارعا قاراماستان, ارال تەڭٸزٸ باسسەينٸندەگٸ سۋ رەسۋرستارىنىڭ, ونىڭ ٸشٸندە كليماتتىڭ ٶزگەرۋٸنە بايلانىستى ٶسٸپ كەلە جاتقان تاپشىلىعىن ەسكەرە وتىرىپ, حاقق الدىندا مٷددەلٸ مەملەكەتتەردٸڭ شوعىرلانۋىن كٷشەيتۋ مٸندەتٸ تۇر.
قر پرەمەر-مينيستر ولجاس بەكتەنوۆ ٶڭٸرلٸك ىنتىماقتاستىق ينستيتۋتىنىڭ ماڭىزدى رٶلٸنە توقتالىپ, حاقق مٷشە مەملەكەتتەرٸ باسشىلارى قازاقستاننىڭ تٶراعالىق ەتۋ كەزەڭٸندە قوردىڭ الدىنا قويعان باسىم مٸندەتتەرٸن اتاپ ٶتتٸ.
بارلىق تاراپتىڭ مٷددەسٸن ەسكەرە وتىرىپ, ورتالىق ازيياداعى سۋ-ەنەرگەتيكالىق ىنتىماقتاستىقتىڭ كەشەندٸ جەنە ٶزارا تيٸمدٸ تەتٸگٸن ودان ەرٸ پىسىقتاۋ قاجەتتٸگٸ اتاپ ٶتٸلدٸ. اتاپ ايتقاندا, جاڭا تسيفرلىق تەحنولوگييالاردى ەنگٸزۋ, جەردٸ قاشىقتان زوندتاۋدىڭ سپۋتنيكتٸك دەرەكتەرٸن پايدالانۋ – ىنتىماقتاستىقتى نىعايتۋعا جەنە سۋ رەسۋرستارىنىڭ ەدەۋٸر كٶلەمٸن ٷنەمدەۋگە مٷمكٸندٸك بەرەدٸ.
بۇدان باسقا, ەنەرگەتيكالىق جەنە يرريگاتسييالىق پروتسەستەردٸ رەتتەۋدٸڭ تيٸمدٸلٸگٸن ارتتىرۋ ماقساتىندا ٶڭٸر ەلدەرٸنٸڭ ارال تەڭٸزٸ باسسەينٸندە سۋ رەسۋرستارىن ەسەپكە الۋدىڭ, مونيتورينگ جٷرگٸزۋدٸڭ, باسقارۋدىڭ جەنە بٶلۋدٸڭ بٸرىڭعاي اۆتوماتتاندىرىلعان جٷيەسٸن ەزٸرلەۋ ەرٸ ەنگٸزۋ جٶنٸندەگٸ جۇمىس جانداناتىن بولادى. بۇل شارالار مەملەكەتتەردٸڭ قاجەتتٸلٸگٸن جابۋداعى تەپە-تەڭدٸككە قول جەتكٸزۋگە جەنە كٷزگٸ-قىسقى كەزەڭدە ەلەكتر ەنەرگيياسىنىڭ, جازعى كەزەڭدە سۋارمالى سۋدىڭ تاپشىلىعىنا جول بەرمەۋگە باعىتتالعان.
سونداي-اق باسىم مٸندەتتەر قاتارىندا – حاقق ۇيىمدىق قۇرىلىمىن جەنە شارتتىق-قۇقىقتىق بازاسىن جەتٸلدٸرۋ پروتسەسٸن اياقتاۋ تۇر. بٷگٸنگٸ تاڭدا ساراپشىلاردىڭ جۇمىس توبى تيٸستٸ جۇمىس جٷرگٸزۋدە.
كەزدەسۋ بارىسىندا تەجٸكستان پرەمەر-مينيسترٸنٸڭ ورىنباسارى زييوزودا سۋلايمون, تٷرٸكمەنستان مينيسترلەر كابينەتٸ تٶراعاسىنىڭ ورىنباسارى تانگرىگۋلي اتاحاللىەۆ, ٶزبەكستان پرەزيدەنتٸنٸڭ كەڭەسشٸسٸ شۋحرات گانيەۆ ۇسىنىستارىن ايتتى.
تالقىلاۋ قورىتىندىسى بويىنشا ولجاس بەكتەنوۆ ٶڭٸردٸڭ ەكوجٷيەسٸن جاقسارتۋ جٶنٸندەگٸ جالپى ٸسكە قوسقان ٷلەسٸ ٷشٸن دەلەگاتسييا باسشىلارىنا العىسىن بٸلدٸرٸپ, قازاقستان ٷكٸمەتٸنٸڭ بٸرلەسكەن جوسپارلاردى ٸسكە اسىرۋ ٷشٸن سىندارلى ديالوگقا مٷددەلٸ ەكەنٸن اتاپ ٶتتٸ.
انىقتاما:
حالىقارالىق ارالدى قۇتقارۋ قورىن 1993 جىلى ورتالىق ازييانىڭ بەس مەملەكەتٸ – قازاقستان, قىرعىزستان, ٶزبەكستان, تەجٸكستان جەنە تٷرٸكمەنستان قۇردى. ۇيىمدى قۇرۋداعى ماقسات ارالدىڭ قۇرعاۋىنىڭ قورشاعان تابيعي ورتاعا جەنە ٶڭٸر حالقىنا تەرٸس ەسەرٸن ازايتۋ جٶنٸندەگٸ ەلدەردٸڭ كٷش-جٸگەرٸن بٸرٸكتٸرۋ بولدى. قور بٸرلەسكەن مەملەكەتارالىق ەكولوگييالىق جەنە عىلىمي-پراكتيكالىق باعدارلامالار مەن جوبالاردى ٸسكە اسىرادى.
