فوتو: primeminister.kz
پرەمەر-مينيستر ولجاس بەكتەنوۆ «دەرەكتەردٸ ٶڭدەۋ ورتالىقتارى القابى» جوباسىنىڭ ۇلتتىق قۇرىلتايدىڭ V وتىرىسىندا پرەزيدەنت قويعان مٸندەتتەر شەڭبەرٸندە جٷزەگە اسىرىلۋ بارىسى قارالعان جيىن ٶتكٸزدٸ.
وندا پرەمەر-مينيستردٸڭ ورىنباسارى – جاساندى ينتەللەكت جەنە تسيفرلىق دامۋ مينيسترٸ جاسلان مەديەۆ, «قازاقتەلەكوم» اق باسقارما تٶراعاسى باعدات مۋسين جوبانىڭ بيىلعى قاڭتار ايىندا پاۆلودار وبلىسى ەكٸباستۇز قالاسىندا ٸسكە قوسىلعاننان بەرگٸ اتقارىلعان جۇمىستار تۋرالى باياندادى.
ورتالىق ازيياداعى ەنەرگەتيكالىق ەلەۋەتٸ 1 گۆت-قا دەيٸن جەتەتٸن ەڭ ٸرٸ كامپۋستى قۇرۋ جٶنٸندەگٸ «دٶو القابى» جوباسى بٷگٸنگٸ تاڭدا قارقىندى تٷردە جٷزەگە اسىرىلۋدا. ٷكٸمەت تيٸستٸ ينفراقۇرىلىمدىق جەنە قۇقىقتىق جاعدايلاردى جاساۋدا. اتاپ ايتقاندا, جالپى اۋدانى 1,4 مىڭ گەكتار جەر تەلٸمٸ بٶلٸندٸ. اۋقىمدى جوبانى جٷزەگە اسىرۋ ٷشٸن قوسالقى ستانسا ساتىپ الۋ, سونداي-اق ينۆەستورلار مەن جوباعا قاتىسۋشىلاردى مەملەكەتتٸك قولداۋدىڭ قوسىمشا تەتٸكتەرٸن ەزٸرلەۋ بويىنشا جۇمىستار جٷرگٸزٸلۋدە.
قۇرىلاتىن ينفراقۇرىلىمنىڭ ماڭىزدى ەلەمەنتٸ حالىقارالىق سەرٸكتەستەردٸ تارتۋعا ارنالعان Greenfield ايماعى بولماق. سونداي-اق ودان ەرٸ كەڭەيتە تٷسۋ مٷمكٸندٸگٸ بار 100 مۆت-عا دەيٸنگٸ قۋاتتار دايىندالدى. ينفراقۇرىلىم ەنەرگييا تيٸمدٸلٸگٸ كوەففيتسيەنتٸ PUE 1.25 بولاتىن Tier III حالىقارالىق ستاندارتىنا سەيكەس كەلمەك.
تەلەكوممۋنيكاتسييالىق ينفراقۇرىلىم سالاسىنداعى ەڭ ٸرٸ hyperscale جەنە BigTech كومپانييالارىنىڭ تالاپتارىن قاناعاتتاندىرۋ ٷشٸن جەلٸلٸك كٸدٸرٸس 80-نەن 57 ميلليسەكۋندقا دەيٸن تٶمەندەتٸلەدٸ, بۇل – نەگٸزگٸ ەۋروپالىق ترافيك الماسۋ ورتالىقتارىمەن تەڭ دەڭگەي.
بۇدان ەرٸ ەسەپتەۋ ينفراقۇرىلىمىن كەزەڭ-كەزەڭمەن ۇلعايتۋ, ەرقايسىسى 50 مۆت-تان جي-دٶو-نىڭ تٶرت كەزەڭٸن سالۋ كٶزدەلگەن.
تۇتاستاي العاندا, «دٶو القابىن» ٸسكە قوسۋ قازاقستاندا تسيفرلىق ينفراقۇرىلىم مەن ەسەپتەۋ قۋاتتىلىعىنىڭ ٶڭٸرلٸك ورتالىعىن قالىپتاستىرۋعا, $30 ملرد-قا دەيٸن ينۆەستيتسييا تارتۋعا جەنە 500-دەن استام جوعارى بٸلٸكتٸ جۇمىس ورىندارىن اشۋعا مٷمكٸندٸك بەرەدٸ.
جيىن قورىتىندىسى بويىنشا پرەمەر-مينيستر ولجاس بەكتەنوۆ سالالىق مينيسترلٸكتەر مەن جاۋاپتى ۇيىمدارعا جۇمىستىڭ بارلىق كەزەڭدەرٸن ۋاقتىلى جٷزەگە اسىرۋدى قامتاماسىز ەتۋدٸ جەنە قاجەتتٸ نورماتيۆتٸك شەشٸمدەردٸ قابىلداۋدى جەدەلدەتۋدٸ تاپسىردى.
