Foto: primeminister.kz
Premer-ministr Oljas Bektenov «Derekterdi óńdeý ortalyqtary alqaby» jobasynyń Ulttyq quryltaidyń V otyrysynda Prezident qoiǵan mindetter sheńberinde júzege asyrylý barysy qaralǵan jiyn ótkizdi.
Onda Premer-ministrdiń orynbasary – jasandy intellekt jáne tsifrlyq damý ministri Jaslan Mádiev, «Qazaqtelekom» AQ basqarma tóraǵasy Baǵdat Mýsin jobanyń biylǵy qańtar aiynda Pavlodar oblysy Ekibastuz qalasynda iske qosylǵannan bergi atqarylǵan jumystar týraly baiandady.
Ortalyq Aziiadaǵy energetikalyq áleýeti 1 GVt-qa deiin jetetin eń iri kampýsty qurý jónindegi «DÓO alqaby» jobasy búgingi tańda qarqyndy túrde júzege asyrylýda. Úkimet tiisti infraqurylymdyq jáne quqyqtyq jaǵdailardy jasaýda. Atap aitqanda, jalpy aýdany 1,4 myń gektar jer telimi bólindi. Aýqymdy jobany júzege asyrý úshin qosalqy stansa satyp alý, sondai-aq investorlar men jobaǵa qatysýshylardy memlekettik qoldaýdyń qosymsha tetikterin ázirleý boiynsha jumystar júrgizilýde.
Qurylatyn infraqurylymnyń mańyzdy elementi halyqaralyq seriktesterdi tartýǵa arnalǵan Greenfield aimaǵy bolmaq. Sondai-aq odan ári keńeite túsý múmkindigi bar 100 MVt-ǵa deiingi qýattar daiyndaldy. Infraqurylym energiia tiimdiligi koeffitsienti PUE 1.25 bolatyn Tier III halyqaralyq standartyna sáikes kelmek.
Telekommýnikatsiialyq infraqurylym salasyndaǵy eń iri hyperscale jáne BigTech kompaniialarynyń talaptaryn qanaǵattandyrý úshin jelilik kidiris 80-nen 57 millisekýndqa deiin tómendetiledi, bul – negizgi eýropalyq trafik almasý ortalyqtarymen teń deńgei.
Budan ári esepteý infraqurylymyn kezeń-kezeńmen ulǵaitý, árqaisysy 50 MVt-tan JI-DÓO-nyń tórt kezeńin salý kózdelgen.
Tutastai alǵanda, «DÓO alqabyn» iske qosý Qazaqstanda tsifrlyq infraqurylym men esepteý qýattylyǵynyń óńirlik ortalyǵyn qalyptastyrýǵa, $30 mlrd-qa deiin investitsiia tartýǵa jáne 500-den astam joǵary bilikti jumys oryndaryn ashýǵa múmkindik beredi.
Jiyn qorytyndysy boiynsha Premer-ministr Oljas Bektenov salalyq ministrlikter men jaýapty uiymdarǵa jumystyń barlyq kezeńderin ýaqtyly júzege asyrýdy qamtamasyz etýdi jáne qajetti normativtik sheshimderdi qabyldaýdy jedeldetýdi tapsyrdy.
