سۋرەت: freepik
OLX.kz اگرەگاتورىنان ەسٸرتكٸ ساتۋشىلاردى جالداۋ تۋرالى ٷش مىڭ “جاسىرىن” حابارلاندىرۋ ٶشٸرٸلدٸ, – دەپ حابارلايدى Polisia.kz.
ٸٸم باسپاسٶز قىزمەتٸ مەلٸمەتٸنشە, ينتەرنەتتٸڭ دامۋىمەن بٸرگە كومپيۋتەرلٸك قىلمىستار, سونىڭ ٸشٸندە ەسٸرتكٸنٸڭ زاڭسىز اينالىمى سالاسىنداعى قىلمىستار بەلەڭ الا باستاعان.
ەلەۋمەتتٸك جەلٸلەر مەن ينتەرنەت-سەرۆيستەردە كۋرەرلٸك جۇمىس ۇسىنىپ نەمەسە جالدامالى جۇمىسشىلار قىزمەتٸن قاجەت ەتەتٸن حابارلاندىرۋلاردىڭ ارتىندا كەي جاعدايدا ەسٸرتكٸ بيزنەسٸ تۇراتىنى بەلگٸلٸ. مۇنداي حابارلاندىرۋلاردىڭ قۇربانى ەرەسەك ازاماتتار عانا ەمەس, كەمەلەتكە تولماعاندار دا بولۋى مٷمكٸن.
"ەسٸرتكٸ جاسىرۋشىلاردى جالداۋ تۋرالى جارنامالاردى انىقتاۋ ٷشٸن ۆەدومستۆو ەڭ ٸرٸ حابارلاندىرۋ سەرۆيستەرٸنٸڭ بٸرٸ OLX-پەن تٸكەلەي جۇمىس ٸستەيدٸ.
جىل باسىنان بەرٸ ٸٸم باستاماسى بويىنشا كومپانييا پوليتسييا مەن سەرۆيس قىزمەتكەرلەرٸ انىقتاعان ٷش مىڭنان استام “جاسىرىن” حابارلاندىرۋدى الىپ تاستادى. ولاردىڭ ارتىندا ەسٸرتكٸ جاسىرۋشىلاردى جۇمىسقا تارتۋ ۇسىنىسى بولعان.
ٸٸم مەملەكەتتٸك ورگانداردىڭ, “OLX Group” ٶكٸلدەرٸنٸڭ جەنە ەرٸكتٸلەردٸڭ قاتىسۋىمەن ارنايى چات قۇردى, وندا كٷدٸكتٸ حابارلاندىرۋلارعا سٸلتەمەلەر جٸبەرٸلٸپ وتىرادى, جان-جاقتى تەكسەرۋدەن كەيٸن راستالعان جاعدايدا ولار دەرەۋ جويىلادى", – دەپ تٷسٸندٸردٸ ٸٸم ەسٸرتكٸ قىلمىسىنا قارسى ٸس-قيمىل دەپارتامەنتٸ باستىعىنىڭ ورىنباسارى سارقىتباي قۇسايىنوۆ.
فوتو: Polisia.kz
ۆەدومستۆو مەلٸمەتٸنشە, پوليتسييا حابارلاندىرۋ اگرەگاتورلارىن باقىلاۋدان باسقا, ەسٸرتكٸنٸڭ تارالۋى تۋرالى اقپاراتتى قامتيتىن سايتتاردى, جازبالاردى, بلوگتاردى جەنە جارنامالاردى انىقتاۋ ٷشٸن ينتەرنەت كەڭٸستٸگٸنە مونيتورينگ جٷرگٸزەدٸ.
جىل باسىنان بەرٸ وسىنداي 2700-دەن استام ينتەرنەت-رەسۋرس انىقتالعان. ولار تۋرالى اقپارات بۇعاتتاۋ ٷشٸن مەدەنيەت جەنە اقپارات مينيسترلٸگٸنە جٸبەرٸلگەن.
ٸشكٸ ٸستەر مينيسترلٸگٸ ينتەرنەت-رەسۋرستاردى پايدالانا وتىرىپ جاسالعان ەسٸرتكٸ قىلمىستارى اسا اۋىر قىلمىستار ساناتىنا جاتاتىنىن ەسكەرتەدٸ, ولار ٷشٸن جازا مٷلكٸ تەركٸلەنٸپ, 10 جىلدان 15 جىلعا دەيٸن باس بوستاندىعىنان ايىرۋدى كٶزدەيدٸ.
