«OLX جەتكٸزۋ» قىزمەتٸنٸڭ اتىن جامىلعان الاياقتار جارناما سايتتارىندا ەلٸ دە «ٶز قىزمەتٸن» ۇسىنىپ كەلەدٸ, دەپ حابارلايدى "ۇلت اقپارات" نۇر-سۇلتان قالاسىنىڭ پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
تاۋاردى ساتۋ تۋرالى حابارلاندىرۋدى ورنالاستىرعاننان كەيٸن الاياقتار ساتىپ الۋشى بولىپ بايلانىسقا شىعادى, نٶمٸرلەردٸ بٸر كٷن عانا پايدالانىپ, ارتىنشا ٶشٸرٸپ تاستايدى.
حات الماسۋ بارىسىندا الاياقتار باسقا قالادا ەكەنٸن تٷسٸندٸرٸپ, «جەتكٸزۋ» قىزمەتٸن پايدالانۋدى ۇسىنادى. ياعني, كارتادان تٶلەم جاسالعاننان كەيٸن كۋرەر ساتۋشىدان كەلٸپ زاتىن الادى.
ول ٷشٸن الاياقتار جالعان سٸلتەمەنٸ جٸبەرەدٸ. بٸر قاراعاندا, سٸلتەمە ەشقانداي كٷدٸك تۋدىرمايدى, بٸراق باسقان كەزدە پايدالانۋشىنى فيشينگتٸك سايتقا جٸبەرەدٸ. بۇل سايتتا بانك كارتاسى, CVV-كودى, جسن كٶرسەتٸلگەن ساۋالنامانى تولتىرۋ, ٶتٸنٸمدٸ جٸبەرۋ جەنە اقشا اۋدارىمىن كٷتۋ ۇسىنىلادى.
ساتۋشى ٶتٸنٸمدٸ جٸبەرگەننەن كەيٸن, كٶرسەتكەن بارلىق دەرەكتەر فيشينگتٸك سايت ارقىلى الاياقتاردىڭ قولىنا تٷسەدٸ. بۇدان ەرٸ, ولار ينتەرنەت-بانكينگتٸڭ ەسەپتٸك جازباسىنا كٸرەدٸ, اقشاعا تولىق قول جەتكٸزەدٸ جەنە قولدا بار اقشانى كارت-شوتتاردان لەزدە ۇرلايدى. ال الاياقتىق سايت بٸرنەشە سەكۋندتان كەيٸن بۇعاتتالادى دا جوق بولادى.
جىل باسىنان بەرٸ اتالعان الاياقتىق سحەماسىنان جٷزدەن استام استانالىق زارداپ شەكتٸ. شىعىن شامامەن 2 ملن تەڭگەنٸ قۇرادى. بارلىعى بويىنشا قىلمىستىق ٸس قوزعالدى.
نۇر-سۇلتان قالاسىنىڭ پوليتسييا دەپارتامەنتٸ ازاماتتارعا بانك كارتالارىنىڭ دەرەكتەمەلەرٸ مەن جەكە دەرەكتەرٸن بەرمەۋ تۋرالى ەسكەرتەدٸ. سايتتىڭ سٸلتەمەسٸ مەن تٷپنۇسقالىعىنا نازار اۋدارۋ قاجەت. فيشينگتٸك سايتتاردىڭ اتاۋىندا قوسىمشا حات نەمەسە بەلگٸ بولادى. ەدەتتە الاياقتار تاۋاردى ونى كٶرٸپ, تەكسەرمەي-اق ساتىپ الۋعا كەلٸسەدٸ.
