جاپونييا استاناسى توكيو قالاسىندا ٶتٸپ جاتقان وليمپيادا ويىندارىندا ٷستەل تەننيسٸنەن قازاقستاندىق اناستاسييا لاۆروۆا قارسىلاسىنا ەسە جٸبەردٸ, دەپ حابارلايدى "ۇلت اقپارات".
قازاقستاندىق سپورتشى يسپانييالىق مارييا سياومەن كەزدەستٸ. نەتيجەسٸندە يسپانييالىق سپورتشى جالپى ەسەپتە 4:1 ەسەبٸمەن جەڭٸسكە جەتتٸ. وسىلايشا اناستاسييا لاۆروۆا تۋرنيردٸڭ العاشقى كەزەڭٸندە جارىستى اياقتادى.
ەسكە سالساق, بٷگٸن دزيۋدوشى ەلدوس سمەتوۆ قازاقستان قورجىنىنا العاشقى مەدالدٸ سالدى.
بيىل دٷبٸرلٸ دودادا 33 سپورت تٷرٸنەن 339 مەدال جيىنتىعى ساراپقا سالىنادى. ايتۋلى الامانعا جەر بەتٸندەگٸ 206 مەملەكەتتەن 11 مىڭنان استام سپورتشى قاتىسۋدا. قازاقستاندىق 97 سپورتشى كٷنشىعىس ەلٸندە سپورتتىڭ 28 تٷرٸنەن باق سىنايدى.
