وليمپيادا: ميحايل كۋكۋشكين جارىس جولىنان شىعىپ قالدى

توكيو وليمپياداسىندا تەننيسشٸ ميحايل كۋكۋشكين 1/8 فينالدا قارسىلاسىنا ەسە جٸبەردٸ, دەپ حابارلايدى "ۇلت اقپارات".

جارىستىڭ اتالعان ساتىسىندا ول بەلارۋستٸك يليا يۆاشكومەن شەبەرلٸك بايقاسقان ەدٸ. ول ەلەمدٸك رەيتينگتە 66-ورىندا تۇر. ال قازاقستاندىق سپورتشى 127-ورىندا كەلەدٸ. 

ويىن بارىسىندا 6:7, 6:3, 6:3 ەسەبٸ تٸركەلدٸ. وسىلايشا بەلارۋس تەننيسشٸسٸ جارىستى جالعاستىرۋعا مٷمكٸندٸك الدى. 

يليا يۆاشكو ەندٸ ماركوس حيرون (اقش) پەن كەي نيسيكوري (جاپونييا) جۇبىنىڭ جەڭٸمپازىمەن كەزدەسەدٸ.

ەسكە سالساق, ميحايل كۋكۋشكين العاشقى سايىسىندا ارگەنتينالىق فەدەريكو كوريانى 7:6, 7:5 ەسەبٸمەن جەڭدٸ.

بيىل دٷبٸرلٸ دودادا 33 سپورت تٷرٸنەن 339 مەدال جيىنتىعى ساراپقا سالىنادى. ايتۋلى الامانعا جەر بەتٸندەگٸ 206 مەملەكەتتەن 11 مىڭنان استام سپورتشى قاتىسۋدا.

قازاقستاندىق 97 سپورتشى كٷنشىعىس ەلٸندە سپورتتىڭ 28 تٷرٸنەن باق سىنايدى.