فوتو:Getty images
2026 جىلى ميلاندا ٶتكەن قىسقى وليمپيادا ويىندارىنىڭ چەمپيونى, مەنەرلەپ سىرعاناۋشى ميحايل شايدوروۆتىڭ ەكەسٸ ستانيسلاۆ شايدوروۆقا سۋ جاڭا Audi Q8 اۆتوكٶلٸگٸ سىيعا بەرٸلدٸ, دەپ حابارلايدى Ult.kz.
قىمبات سىيلىقتى inDrive سەرۆيسٸنٸڭ نەگٸزٸن قالاۋشى ەرٸ باس ديرەكتورى ارسەن تومسكيي تارتۋ ەتتٸ. بۇل تۋرالى ول 13 اقپاندا Threads ەلەۋمەتتٸك جەلٸسٸندەگٸ پاراقشاسىندا حابارلادى.
«مەن Audi Q8 كٶلٸگٸن وليمپيادا چەمپيونى ميحايل شايدوروۆتىڭ ەكەسٸ, ونىڭ العاشقى جاتتىقتىرۋشىسى جەنە وسى جەڭٸستٸڭ باستاۋىندا تۇرعان ستانيسلاۆ شايدوروۆقا سىيلادىم. ميحايلدىڭ ٶنەر كٶرسەتۋٸ – قازاقستاندى عانا ەمەس, بٷكٸل ەلەمدٸ تەنتٸ ەتكەن تاريحي سەت. الايدا بۇل جەتٸستٸكتٸڭ ارتىندا جىلدار بويعى ەڭبەك, تەرتٸپ پەن ٷلكەن قۇرباندىق جاتىر», – دەپ جازدى ارسەن تومسكيي.
ايتا كەتەيٸك, 2026 جىلعى قىسقى وليمپيادا ويىندارىندا ميلاندا ٶتكەن جارىستا ميحايل شايدوروۆ تاريحي جەڭٸسكە جەتٸپ, چەمپيون اتاندى.
ستانيسلاۆ شايدوروۆ – بۇرىنعى كەسٸبي مەنەرلەپ سىرعاناۋشى, قازاقستاننىڭ بٸرنەشە دٷركٸن چەمپيونى جەنە ۇلىنىڭ العاشقى باپكەرٸ. 2018 جىلى ول ميحايلدىڭ سپورتتىق مانسابىن جالعاستىرۋى ٷشٸن ٶز اۆتوكٶلٸگٸن ساتىپ, قاراجاتىن ۇلىنىڭ سوچيگە قونىس اۋدارۋىنا جۇمساعان. سول جەردە ميحايل وليمپيادا چەمپيونى الەكسەي ۋرمانوۆتىڭ جەتەكشٸلٸگٸمەن جاتتىعۋىن جالعاستىردى.
