Foto:Getty images
2026 jyly Milanda ótken qysqy Olimpiada oiyndarynyń chempiony, mánerlep syrǵanaýshy Mihail Shaidorovtyń ákesi Stanislav Shaidorovqa sý jańa Audi Q8 avtokóligi syiǵa berildi, dep habarlaidy Ult.kz.
Qymbat syilyqty inDrive servisiniń negizin qalaýshy ári bas direktory Arsen Tomskii tartý etti. Bul týraly ol 13 aqpanda Threads áleýmettik jelisindegi paraqshasynda habarlady.
«Men Audi Q8 kóligin Olimpiada chempiony Mihail Shaidorovtyń ákesi, onyń alǵashqy jattyqtyrýshysy jáne osy jeńistiń bastaýynda turǵan Stanislav Shaidorovqa syiladym. Mihaildyń óner kórsetýi – Qazaqstandy ǵana emes, búkil álemdi tánti etken tarihi sát. Alaida bul jetistiktiń artynda jyldar boiǵy eńbek, tártip pen úlken qurbandyq jatyr», – dep jazdy Arsen Tomskii.
Aita keteiik, 2026 jylǵy qysqy Olimpiada oiyndarynda Milanda ótken jarysta Mihail Shaidorov tarihi jeńiske jetip, chempion atandy.
Stanislav Shaidorov – burynǵy kásibi mánerlep syrǵanaýshy, Qazaqstannyń birneshe dúrkin chempiony jáne ulynyń alǵashqy bapkeri. 2018 jyly ol Mihaildyń sporttyq mansabyn jalǵastyrýy úshin óz avtokóligin satyp, qarajatyn ulynyń Sochige qonys aýdarýyna jumsaǵan. Sol jerde Mihail Olimpiada chempiony Aleksei Ýrmanovtyń jetekshiligimen jattyǵýyn jalǵastyrdy.
