جٷزۋدەن وليمپيادا چەمپيونى قازاقستاندىق دميتريي بالاندين ريودان الماتىعا كەلدٸ, - دەپ حابارلايدى kaz.tengrinews.kz تٸلشٸسٸ. ايتا كەتەيٸك, قازاقستاندىقتار سپورتشىنى سالتاناتتى تٷردە ەۋەجايدا كٷتٸپ الدى. كەزدەسۋگە قالا ەكٸمٸ باۋىرجان بايبەك تە كەلدٸ.
سونىمەن قاتار ريودان ۇشىپ كەلگەن وليمپيادا چەمپيونى ٶزٸنٸڭ ريوداعى جەڭٸسٸ جايلى, ونى بٸردەن سەزٸنبەگەنٸ جايلى ايتىپ بەردٸ. "سۋعا سٷڭگٸپ كەتكەندە نە بولىپ جاتقانىن تٷسٸنبەيسٸڭ. سوندىقتان مەن جەڭٸسكە جەتكەنٸمە ۇزاق ۋاقىت سەنبەي, كەستەگە قايتا-قايتا قاراپ, تەكسەرە بەردٸم: "قالايشا مەن جەڭدٸم? بۇل قاتەلٸك ەمەس پە? كەيٸننەن عانا جەڭگەنٸمە سەنٸپ, سٸزدەرگە وسىنداي قۋانىش پەن ماقتانىش سىيلاعانىمدى تٷسٸندٸم", - دەدٸ سپورتشى.
سونداي-اق بالاندين ونىڭ جەڭٸسكە جەتۋٸنە اناسىنىڭ كٶرسەتكەن قولداۋى كٶمەك بولعانىن ايتتى. "انا - ساعان ٷنەمٸ سەنٸم بٸلدٸرەتٸن, قولداۋ كٶرسەتەتٸن جان. اناما راقمەت", - دەدٸ دميتريي.
سپورتشىنىڭ ايتۋىنشا, جارىستا ٷلكەن بەسەكەلەستٸك بولعاندىقتان التىن مەدال الامىن دەپ ويلاماعان ەكەن. "ەلٸمنٸڭ تۋىن وسىلايشا جەڭٸسكە جەتۋ ارقىلى تانىستىرۋ - مەن ٷشٸن ٷلكەن قۇرمەت. بٸزگە جانكٷيەر بولعان بارلىعىنا راقمەت. پرەزيدەنتكە العىس ايتامىن. ول ەلٸمٸزدەگٸ سپورتتى دامىتۋ ٷشٸن بارلىق جاعدايدى جاسادى. بارلىعىمىز بٸرگە وسىنداي جەڭٸسكە جەتكەنٸمٸزگە قۋانىشتىمىن! راقمەت!", - دەدٸ وليمپيادا چەمپيونى.
ەسكە سالايىق, بالاندين 2:07.46 ۋاقىت نەتيجەسٸمەن فينالدا سەنساتسييا جاساپ, قازاقستان تاريحىندا جٷزۋ سپورتىنان تۇڭعىش رەت وليمپيادا چەمپيونى اتانىپ وتىر. سونىمەن قاتار, بالانديننٸڭ سەنساتسييالىق جەڭٸسٸنٸڭ ۆيدەوسى جارييا بولدى.
