Júzýden Olimpiada chempiony qazaqstandyq Dmitrii Balandin Riodan Almatyǵa keldi, - dep habarlaidy kaz.tengrinews.kz tilshisi. Aita keteiik, qazaqstandyqtar sportshyny saltanatty túrde áýejaida kútip aldy. Kezdesýge qala ákimi Baýyrjan Baibek te keldi.
Sonymen qatar Riodan ushyp kelgen Olimpiada chempiony óziniń Riodaǵy jeńisi jaily, ony birden sezinbegeni jaily aityp berdi. "Sýǵa súńgip ketkende ne bolyp jatqanyn túsinbeisiń. Sondyqtan men jeńiske jetkenime uzaq ýaqyt senbei, kestege qaita-qaita qarap, teksere berdim: "Qalaisha men jeńdim? Bul qatelik emes pe? Keiinnen ǵana jeńgenime senip, sizderge osyndai qýanysh pen maqtanysh syilaǵanymdy túsindim", - dedi sportshy.
Sondai-aq Balandin onyń jeńiske jetýine anasynyń kórsetken qoldaýy kómek bolǵanyn aitty. "Ana - saǵan únemi senim bildiretin, qoldaý kórsetetin jan. Anama raqmet", - dedi Dmitrii.
Sportshynyń aitýynsha, jarysta úlken básekelestik bolǵandyqtan altyn medal alamyn dep oilamaǵan eken. "Elimniń týyn osylaisha jeńiske jetý arqyly tanystyrý - men úshin úlken qurmet. Bizge jankúier bolǵan barlyǵyna raqmet. Prezidentke alǵys aitamyn. Ol elimizdegi sportty damytý úshin barlyq jaǵdaidy jasady. Barlyǵymyz birge osyndai jeńiske jetkenimizge qýanyshtymyn! Raqmet!", - dedi Olimpiada chempiony.
Eske salaiyq, Balandin 2:07.46 ýaqyt nátijesimen finalda sensatsiia jasap, Qazaqstan tarihynda júzý sportynan tuńǵysh ret Olimpiada chempiony atanyp otyr. Sonymen qatar, Balandinniń sensatsiialyq jeńisiniń videosy jariia boldy.
