امەريكالىق مەنەرلەپ سىرعاناۋشى نەيتان چەن بەيجٸڭ وليمپياداسىنداعى قىسقا باعدارلامادا جاڭا ەلەمدٸك رەكورد ورناتتى. سپورتشى بۇل باعدارلامادا 113,97 ۇپاي جيناعان. بۇعان دەيٸنگٸ رەكوردتى 2020 جىلى ٶتكەن تٶرت قۇرلىق تۋرنيرٸندە جاپوندىق مەنەرلەپ سىرعاناۋشى يۋدزۋرۋ حانيۋ (111,82 ۇپاي) ورناتقان بولاتىن. بۇل تۋرالى قازاقپارات BBC اقپارات اگەنتتٸگٸنە سٸلتەمە جاساپ حابارلايدى.
ەندٸ 10 اقپاندا نەيتان چەن ەركٸن باعدارلاماسىن كٶرسەتەدٸ.
قىسقى وليمپيادادا تاعى بٸر رەكوردتى ەرلەر اراسىندا 1500 مەترگە جٷگٸرۋدەن گولاندىق كەلد نۋيس ورناتىپ, تاعى بٸر مەرتە چەمپيوندىق اتاعىن ساقتاپ قالدى.
نۋيز بۇل قاشىقتىقتى بٸر مينۋت 43,21 سەكۋندتا باعىندىرىپ, وليمپيادا رەكوردىن جاڭارتتى.
«سەنە الار ەمەسپٸن. بۇل مەنٸڭ ارمانىم بولعان, بٸراق تٶرت جىل بۇرىنعىداي سەنٸمدٸ ەمەس ەدٸم», - دەدٸ ول تٸلشٸلەرگە.
كەلد نۋيس - 28 جىل ٸشٸندە ەرلەر اراسىندا 1500 مەترگە جٷگٸرۋدەن وليمپيادانىڭ بارلىق تيتۋلدارىن جەڭٸپ العان العاشقى, ال تاريحتاعى تٶرتٸنشٸ سپورتشى.
