وليگارح الەكساندر كلەبانوۆ ٶزٸ باقىلايتىن ەكٸباستۇز جىلۋ ەلەكتر ورتالىعىن مەملەكەتكە اپاتتى كٷيٸندە 1 تەڭگەگە ساتقىسى كەلەدٸ. بۇل تۋرالى مەجٸلٸس دەپۋتاتى ەرلان سايىروۆ ايتتى, دەپ حابارلايدى Sputnik قازاقستان.
دەپۋتات كٷنٸ كەشە عانا ەكٸباستۇز قالاسىنان ورالدى. مەجٸلٸس كۋلۋارىندا جۋرناليستەر سايىروۆتان "وليگارح كلەبانوۆپەن كەزدەستٸڭٸز بە" دەپ سۇرادى.
"يە, ەكٸ كٷن بۇرىن ەكٸمشٸلٸكتە جينالىس بولدى. وعان كلەبانوۆ تا قاتىستى. سول كەزدە بٸز بٷكٸل سۇراقتى سول كٸسٸگە قويدىق. ول بٸزگە (ەكٸباستۇز جەو-نى) 1 تەڭگەگە مەملەكەتكە ساتۋعا دايىنبىز دەدٸ", - دەپ توقتالدى سايىروۆ مەجٸلٸس كۋلۋارىندا.
الايدا قازاقستان بيلٸگٸ وعان كەلٸسپەگەن.
"بٸز ولاي بولمايدى دەپ ايتتىق. ەڭ الدىمەن كەسٸپورىندى يەلٸككە العان كەزدە توزۋ دەڭگەيٸ قانداي, قازٸر قانداي, سول ايىرمانى انىقتاپ, سونى تٶلەۋدٸ تالاپ ەتتٸك. ەكٸنشٸدەن, قازٸر قازاقستان حالقى قينالىپ جاتىر. سوندىقتان ولار ەكٸباستۇز حالقىنا مورالدىق شىعىن تٶلەۋٸ كەرەك", - دەدٸ مەجٸلٸسمەن.
وسى ورايدا باق ٶكٸلدەرٸ كلەبانوۆ جىلۋ ورتالىعىن جٶندەپ, حالىققا شىعىن تٶلەۋگە كەلٸستٸ مە دەپ سۇرادى.
"ول جەردە بٸراز پٸكٸرتالاس بولدى. سوڭىندا ەركٸم ٶز پٸكٸرٸندە قالدى. مەنٸڭ ويىمشا, بۇل مەسەلە ٷكٸمەت دەڭگەيٸندە شەشٸلەدٸ. ەگەر قۇقىق قورعاۋ ورگاندارى زاڭبۇزۋشىلىق تاپسا, شىعىندى ٶتەۋ تۋرالى مەسەلە كٶتەرٸلەدٸ", - دەدٸ سايىروۆ.
27 قاراشاعا قاراعان تٷنٸ ەكٸباستۇز جەو-دا قازاندىقتار ٸستەن شىعىپ, تۇرعىندار قاقاعان ايازدا جىلۋسىز قالدى. ەرتەسٸنە قالادا تٶتەنشە جاعداي جارييالاندى.
ايتا كەتەرٸ, وليگارح الەكساندر كلەبانوۆ – "ەكٸباستۇزجىلۋەنەرگييا" جشس قۇرىلتايشىسى.
