فوتو: ۆيدەودان سكرينشوت
بەلگٸلٸ مەديامەنەدجەر ارمان دەۋلەتيياروۆ ەلەۋمەتتٸك جەلٸدەگٸ پاراقشاسىندا اناسى تۋرالى ەسەرلٸ جازبا جارييالاپ, وقىرماندارىمەن ەستەلٸگٸن بٶلٸستٸ, دەپ حابارلايدى Ult.kz.
ول اناسىنىڭ تۋعان كٷنٸنە وراي ەسكٸ بەينەجازبالاردى قاراپ وتىرىپ, بٸرگە ٶتكٸزگەن سەتتەردٸ ساعىنىشپەن ەسكە العانىن ايتتى.
«بٷگٸن انام 89 جاسقا تولار ەدٸ. ەسكٸ ۆيدەولاردى قايتا قاراپ وتىرمىن. بٸز بٸرگە سەرۋەندەپ جٷرمٸز, كٷلەمٸز, ەڭگٸمەلەسەمٸز. ول كەزدە بۇل جاي عانا كٷندەلٸكتٸ سەتتەر ەدٸ. بٸر كٷنٸ دەل سول سەتتەردٸڭ ەڭ قىمبات ەستەلٸككە اينالاتىنىن ەشكٸم ويلامايدى. انامنىڭ ٶمٸردەن ٶتكەنٸنە ٷش جىل بولدى. بٸراق ونىڭ ەستەلٸگٸ ەشقاشان جوعالعان جوق», – دەپ جازدى ول.
مەديامەنەدجەردٸڭ ايتۋىنشا, اناسى ٶمٸر بويى تۇرعان ٷي بٷگٸندە يگٸ ٸسكە قىزمەت ەتٸپ تۇر. قازٸر بۇل جەردە ايمان انا مەشٸتٸ ورنالاسقان. مۇندا تۇرعىندار قۇلشىلىق جاساپ, بالالارعا يسلام نەگٸزدەرٸ مەن قۇران وقۋى ٷيرەتٸلەدٸ. دەۋلەتيياروۆ ٶزٸ ٷشٸن مۇنىڭ مەنٸ ەرەكشە ەكەنٸن جەتكٸزٸپ, ٷيدٸڭ جاقسى باعىتتا جۇمىس ٸستەپ تۇرعانىنا قۋانىشىن بٸلدٸردٸ.
سونداي-اق ول تۋعان ٷيٸنە بارعان سايىن بالالىق شاعى ٶتكەن بٶلمەلەردٸ ارالاپ, ەرەكشە سەزٸمگە بٶلەنەتٸنٸن جەتكٸزدٸ.
«جىلدىڭ كەز كەلگەن ۋاقىتىندا اتا-بابامنىڭ ٷيٸنە بارا الامىن. ٶزٸم تۋىپ-ٶسكەن, اتا-اناممەن بٸرگە باقىتتى بالالىق شاعىم ٶتكەن تانىس بٶلمەلەرمەن جٷرٸپ ٶتەمٸن. بۇل سٶزبەن ايتىپ جەتكٸزۋ قيىن ەرەكشە سەزٸم», – دەپ جازدى ول.
ارمان دەۋلەتيياروۆ بىلتىر اناسىنىڭ ٶمٸر جولى تۋرالى «ماما ايمان» اتتى كٸتاپ جازعان. ەڭبەك قازاق جەنە ورىس تٸلدەرٸندە جارىق كٶرگەن.
اۆتوردىڭ ايتۋىنشا, كٸتاپتا تاعدىردىڭ تٷرلٸ سىناقتارىنا قاراماستان, وتباسىنا, بالالارىنا جەنە حالقىنا ادال بولعان قازاق ەيەلٸنٸڭ ٶمٸرٸ باياندالادى.
ول اتا-اناعا دەگەن قۇرمەتتٸڭ ۇرپاق تەربيەسٸندەگٸ ماڭىزىن اتاپ ٶتتٸ.
«بالالار ەرقاشان بٸزگە قارايدى. بٸزدٸڭ اتا-انامىزعا قالاي قارايتىنىمىزعا قاراپ, ولار وتباسى, قۇرمەت پەن العىس دەگەننٸڭ نە ەكەنٸن تٷسٸنەدٸ», – دەپ تٷيٸندەدٸ ول.
