Foto: Videodan skrinshot
Belgili mediamenedjer Arman Dáýletiiarov áleýmettik jelidegi paraqshasynda anasy týraly áserli jazba jariialap, oqyrmandarymen esteligin bólisti, dep habarlaidy Ult.kz.
Ol anasynyń týǵan kúnine orai eski beinejazbalardy qarap otyryp, birge ótkizgen sátterdi saǵynyshpen eske alǵanyn aitty.
«Búgin anam 89 jasqa tolar edi. Eski videolardy qaita qarap otyrmyn. Biz birge serýendep júrmiz, kúlemiz, áńgimelesemiz. Ol kezde bul jai ǵana kúndelikti sátter edi. Bir kúni dál sol sátterdiń eń qymbat estelikke ainalatynyn eshkim oilamaidy. Anamnyń ómirden ótkenine úsh jyl boldy. Biraq onyń esteligi eshqashan joǵalǵan joq», – dep jazdy ol.
Mediamenedjerdiń aitýynsha, anasy ómir boiy turǵan úi búginde igi iske qyzmet etip tur. Qazir bul jerde Aiman ana meshiti ornalasqan. Munda turǵyndar qulshylyq jasap, balalarǵa islam negizderi men Quran oqýy úiretiledi. Dáýletiiarov ózi úshin munyń máni erekshe ekenin jetkizip, úidiń jaqsy baǵytta jumys istep turǵanyna qýanyshyn bildirdi.
Sondai-aq ol týǵan úiine barǵan saiyn balalyq shaǵy ótken bólmelerdi aralap, erekshe sezimge bólenetinin jetkizdi.
«Jyldyń kez kelgen ýaqytynda ata-babamnyń úiine bara alamyn. Ózim týyp-ósken, ata-anammen birge baqytty balalyq shaǵym ótken tanys bólmelermen júrip ótemin. Bul sózben aityp jetkizý qiyn erekshe sezim», – dep jazdy ol.
Arman Dáýletiiarov byltyr anasynyń ómir joly týraly «Mama Aiman» atty kitap jazǵan. Eńbek qazaq jáne orys tilderinde jaryq kórgen.
Avtordyń aitýynsha, kitapta taǵdyrdyń túrli synaqtaryna qaramastan, otbasyna, balalaryna jáne halqyna adal bolǵan qazaq áieliniń ómiri baiandalady.
Ol ata-anaǵa degen qurmettiń urpaq tárbiesindegi mańyzyn atap ótti.
«Balalar árqashan bizge qaraidy. Bizdiń ata-anamyzǵa qalai qaraitynymyzǵa qarap, olar otbasy, qurmet pen alǵys degenniń ne ekenin túsinedi», – dep túiindedi ol.
