كەزەكشٸ سىنىپتا وقيتىن 73 بالادا ٸندەت انىقتالدى. بۇل تۋرالى قر دەنساۋلىق ساقتاۋ ۆيتسە-مينيسترٸ – قر باس مەملەكەتتٸك سانيتار دەرٸگەرٸ ەرلان قيياسوۆ مەلٸم ەتتٸ, دەپ حابارلايدى "ۇلت اقپارات".
«وقۋ جىلى باستالعالى وقۋشىلار اراسىندا كۆي جۇقتىرۋدىڭ 184 جاعدايى تٸركەلدٸ. ونىڭ ٸشٸندە كەزەكشٸ سىنىپتا وقيتىن 73 بالادا انىقتالدى. سەيكەسٸنشە, بايلانىستا بولعان 1 012 ادام بەلگٸلٸ بولدى, ولاردىڭ اراسىندا ون ادامدا ٸندەت انىقتالدى», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, قاشىقتان وقىپ جٷرگەن بالالار اراسىندا ٸندەت جۇقتىرۋدىڭ 111 وقيعاسى تٸركەلدٸ. ولار بويىنشا قارىم-قاتىناستا بولعان 317 ادام انىقتالىپ, كۆي-دٸڭ 19 فاكتٸسٸ بەلگٸلٸ بولدى.
