فوتو: Reuters
وقۋ-اعارتۋ مينيسترٸ عاني بەيسەمباەۆ وقۋ جىلىنىڭ ۇزاقتىعىنا قاتىستى مەسەلە بٸر اپتانىڭ ٸشٸندە شەشٸلەتٸنٸن مەلٸمدەدٸ, حابارلايدى Sputnik قازاقستان.
بيىل مەكتەپ وقۋشىلارىنىڭ وقۋ جىلى ۇزارتىلعان بولاتىن. بٸراق كٶبٸسٸ وقۋلىقتارىن ەرتە تاپسىردى, ال اتا-انالار ٶز نارازىلىعىن بٸلدٸردٸ. مينيستردٸڭ ايتۋىنشا, قازٸرگٸ كەزدە ساراپشىلار وسى مەسەلەنٸ تالقىلاۋعا كٸرٸستٸ.
“ساراپشىلار ەكٸگە بٶلٸنٸپ وتىر. بٸرەۋلەر 34 اپتانى قولداسا, باسقالارى 36 اپتا بولۋى كەرەك دەيدٸ. مەن ٶزٸم ەكٸ جاقپەن دە كەزدەستٸم. بٸراق شەشٸم الدىمەن وقۋشىلار ٷشٸن ىڭعايلى بولۋى كەرەك. سوندىقتان مەن ەكٸ جاق ساراپشىلار بٸرٸگٸپ, بارلىعىنا ورتاق بٸر شەشٸمگە كەلسٸن دەگەن تاپسىرما بەردٸم”, - دەدٸ بەيسەمباەۆ ٷكٸمەتتە ٶتكەن بريفينگتە.
مينيستردٸڭ سٶزٸنە قاراعاندا, وسى اپتادا ساراپشىلار ورتاق شەشٸمگە كەلۋٸ كەرەك. ال اتا-انالار تالقىلاۋعا قاتىسا المايدى.
“يە, اتا-انالار دا بەرٸن بٸلٸپ وتىرۋى كەرەك. بٸراق قازاقتا بٸر سٶز بار عوي, “شىمشىق سويسا دا, قاساپشى سويسىن” دەگەن. شەشٸمدٸ ساراپشىلار قابىلداۋى تيٸس”, - دەپ اتاپ كٶرسەتتٸ مينيستر.
