Foto: Reuters
Oqý-aǵartý ministri Ǵani Beisembaev oqý jylynyń uzaqtyǵyna qatysty másele bir aptanyń ishinde sheshiletinin málimdedi, habarlaidy Sputnik Qazaqstan.
Biyl mektep oqýshylarynyń oqý jyly uzartylǵan bolatyn. Biraq kóbisi oqýlyqtaryn erte tapsyrdy, al ata-analar óz narazylyǵyn bildirdi. Ministrdiń aitýynsha, qazirgi kezde sarapshylar osy máseleni talqylaýǵa kiristi.
“Sarapshylar ekige bólinip otyr. Bireýler 34 aptany qoldasa, basqalary 36 apta bolýy kerek deidi. Men ózim eki jaqpen de kezdestim. Biraq sheshim aldymen oqýshylar úshin yńǵaily bolýy kerek. Sondyqtan men eki jaq sarapshylar birigip, barlyǵyna ortaq bir sheshimge kelsin degen tapsyrma berdim”, - dedi Beisembaev Úkimette ótken brifingte.
Ministrdiń sózine qaraǵanda, osy aptada sarapshylar ortaq sheshimge kelýi kerek. Al ata-analar talqylaýǵa qatysa almaidy.
“Iá, ata-analar da bárin bilip otyrýy kerek. Biraq qazaqta bir sóz bar ǵoi, “Shymshyq soisa da, qasapshy soisyn” degen. Sheshimdi sarapshylar qabyldaýy tiis”, - dep atap kórsetti ministr.
