فوتو اشىق دەرەككٶزدەن الىندى
عاني بەيسەمباەۆ قر وقۋ-اعارتۋ مينيسترٸ لاۋازىمىنا تاعايىندالدى, - دەپ حابارلايدى "ۇلت اقپارات" اقورداعا سٸلتەمە جاساپ.
"عاني بەكتايۇلى بەيسەمباەۆ قازاقستان رەسپۋبليكاسىنىڭ وقۋ-اعارتۋ مينيسترٸ لاۋازىمىنا تاعايىندالسىن", - دەلٸنگەن جارلىق مەتٸنٸندە.
سونداي-اق, مەملەكەت باسشىسىنىڭ جارلىعىمەن اسحات قاناتۇلى ايماعامبەتوۆ قازاقستان رەسپۋبليكاسىنىڭ وقۋ-اعارتۋ مينيسترٸ لاۋازىمىنان بوساتىلدى.
عاني بەيسەمباەۆ 1969 جىلى قىزىلوردا وبلىسىندا دٷنيەگە كەلگەن.
اباي اتىنداعى الماتى مەملەكەتتٸك ۋنيۆەرسيتەتٸن بٸتٸرگەن.
ەڭبەك جولىن 1986 جىلى شيەلٸ اۋداندىق مەدەنيەت بٶلٸمٸنٸڭ اۆتوكلۋب مەڭگەرۋشٸسٸ قىزمەتٸنەن باستاعان.
1989-1990 جىلدارى - قازاق تٸلٸ مۇعالٸمٸ.
1990-1995 جىلدارى - ورتا مەكتەپتە ديرەكتوردىڭ وقۋ-تەربيە ٸسٸ جٶنٸندەگٸ ورىنباسارى.
1995-1997 جىلدارى - ورتا مەكتەپ ديرەكتورى.
1997-2000 جىلدارى - قر بعم ى.التىنسارين اتىنداعى قازاق بٸلٸم اكادەميياسى پرەزيدەنتٸنٸڭ عىلىمي حاتشىسى, كەڭەسشٸسٸ.
2000-2001 جىلدارى - قاپشاعاي قالاسى بٸلٸم بٶلٸمٸنٸڭ باسشىسى.
2001-2006 جىلدارى - قوسىمشا بٸلٸم بەرۋ ورتالىعىنىڭ ديرەكتورى.
2006-2020 جىلدارى - حالىقارالىق بٸلٸم بەرۋ ورتالىعىنىڭ باس ديرەكتورى.
2006-2007 جىلدارى - تەحنيكالىق-ەكونوميكالىق كوللەدج ديرەكتورى.
2020 جىلى قر بعم "وقۋلىق" رەسپۋبليكالىق عىلىمي-پراكتيكالىق ورتالىعىنىڭ ديرەكتورى بولدى.
2020 جىلعى جەلتوقسان ايىنان باستاپ قازٸرگٸ ۋاقىتقا دەيٸن قر بعم ى.التىنسارين اتىنداعى ۇلتتىق بٸلٸم اكادەميياسىنىڭ پرەزيدەنتٸ بولدى.
