اقىن, جۋرناليست, «نەۆادا-سەمەي» قوزعالىسىنىڭ ارداگەرٸ ارمان قانيدٸڭ "سۋرەتشٸ كەرٸپبەك" اتتى ٶلەڭٸن نازارلارىڭىزعا ۇسىنامىز. تاعدىر تالايىنا تٷسكەن سۋرەتشٸنٸڭ اۋىر حەلٸ وقىرمان كٶڭٸلٸنە وي سالارى انىق.
سۋرەتشٸ كەرٸپبەك
بالقان تاۋدا, جاقپار تاستىڭ جانىنا
قايتا كەلٸپ جالعىز ٶزٸ تاعى دا,
تۋمىسىنان قوس قولى جوق سۋرەتشٸ
قۇلاق تٷردٸ جەتٸم تىرنا زارىنا.
قاراۋىتقان قارا بارقىن قىرقادان
سىرعىدى تٷن سٷرلەۋلەرمەن مىڭ تارام.
قويمالجىڭداۋ قوڭىر نۇرىن ٸڭٸردٸڭ
ساپىرادى تٸسٸندەگٸ قىلقالام.
قان جوسا بوپ قۇبىلا جاق كٶگٸلدٸر,
ٶكسٸپ تۇردى اي تاڭبالى ٶمٸر بٸر.
قىلقالامعا قىزىل قانى شاشىراپ
كٷنٸ باتتى كٷرەڭٸتكەن ٶڭٸردٸڭ.
بٸراق, مىناۋ تاسقا بٸتكەن سۋرەتتەن
كٷركٸرەيدٸ كٶك نٶسەرلٸ بٸر كٶكتەم.
كٶكٸرەگٸندە كٶكشە جاسىن شىرقىراپ
كٶشەدٸ بۇلت كٶكپار تارتىپ دٷرمەكپەن.
اق مامىق نۇر ايدارىنان ٷلپٸلدەپ
قارا اعاش تا بٷرشٸك جاردى بٸرتٸندەپ.
سۋرەت ەمەس, قايناپ جاتقان ٶمٸر بۇل
تاس قازاندا مىڭ بوياۋمەن بٷلكٸلدەپ!
سۋرەتشٸنٸڭ كٶزٸ جايناپ كٷلگەندە,
جالتىلداپ ول قارا كەۋسار نۇرمەن دە,
سىڭار تامشى كٶز جاسىنان مٶپ-مٶلدٸر
بوياۋ تٷسٸ ٶزگەرەدٸ بٸر دەمدە.
تۇلىمىنا قىزىل-جاسىل گٷل بايلاپ
سارىٶزەكتە سەندەنگەندە سۇرقاي باق.
قالقىپ شىقتى حيروسيما بوياۋى
تاس قازاندا كٶلەڭكە مەن كٷل قايناپ…
سۋرەتتەگٸ اي ماڭدايلى ەلەمدٸ
قىلقالاممەن سيپاپ…
ويعا بٶلەندٸ.
تاس بەتٸندە اقيقاتتى تٸرٸلتٸپ,
جاۋىزدىقتى جازالاماق ول ەندٸ!
ٷكٸم وقۋ قازٸر ونىڭ ىرقىندا,
جاي ويناعان بالقان تاۋدىڭ سىرتىندا
جاڭبىرلاتىپ جالعىز ۇشىپ بارادى
قوس قاناتىن وت شارپىعان بٸر تىرنا…
ارمان قاني
