90 پايىز ٶكپەنٸڭ زاقىمدانۋىمەن اۋرۋحاناعا تٷسكەن تارازدىق دەرتتٸ جەڭٸپ شىقتى, دەپ حابارلايدى قازاقپارات.
تاراز قالاسىنىڭ جاستاعى تۇرعىنى, ٶزٸنٸڭ تۋعان كٷنٸندە قالالىق كٶپبەيٸندٸ اۋرۋحانادان ساۋىعىپ شىقتى. تۋرا بٸر اي بويى كوروناۆيرۋسپەن الىسقان ول, شٸلدە ايىنىڭ ورتاسىندا ٶكپەسٸنٸڭ 90 پايىز زاقىمدانۋىمەن اۋرۋحاناعا اۋىر حالدە تٷسكەن. ەكٸ اپتا بويى جانساقتاۋ بٶلٸمٸندە جاتىپ, جاساندى جەلدەتۋ اپپاراتىندا بەس كٷن, ٶكپەنٸ ينۆازيۆتٸ ەمەس جەلدەتۋ اپپاراتىندا ٷش كٷن ەم قابىلداعان.
«كوروناۆيرۋسقا شالدىققان ناۋقاستارمەن تٸكەلەي قارىم-قاتىناسقا تٷسكەن جوقپىن, دەگەنمەن ٶزٸم بازاردا ساۋدا-ساتتىقپەن اينالىسامىن, وندا ادام كٶپ, ولاردىڭ ۆيرۋس جۇقتىرعان-جۇقتىرماعانىن بٸلمەيسٸڭ. شٸلدەنٸڭ باسىندا اۋىرىپ قالدىم. دەرتتٸ بازاردان جۇقتىردىم, سەبەبٸ قوناققا بارعان جوقپىز, جاقىندارىمدى كٶرمەگەلٸ بٸرنەشە اي بولدى. تەك تەلەفون ارقىلى حابارلاسىپ تۇرامىز. الدىمەن ەلسٸرەپ, توڭىپ, دٸرٸلدەي باستادىم.
بٸرنەشە كٷننەن كەيٸن يٸس پەن دەم سەزبەي قالعانىمدا, Covid جۇقتىرعانىمدى تٷسٸندٸم. ٷيدە بٸرنەشە كٷن ەمدەلٸپ, جٶتەل ٷدەپ, قان ارالاس قاقىرىق شىققان سوڭ, جەدەل جەردەممەن اۋرۋحاناعا كەلدٸم. مەن ٶز-ٶزٸمە كەلە الماي, تىنىس الۋ اپپاراتىندا جاتىپ, و دٷنيەنٸ كٶردٸم دەسەم بولادى. ماعان ەكٸنشٸ ٶمٸر سىيلاعان اق حالاتتى ابزال جاندارعا مىڭ العىس.
كوۆيدكە ەلٸ دە سەنبەيتٸن ادامدارعا ايتارىم: ۆاكتسينا سالدىرتىڭىزدار, دەنساۋلىققا ارتىق قاۋٸپ تٶندٸرۋدٸڭ قاجەتٸ جوق», – دەيدٸ ول.
«پاتسيەنتتٸڭ ساۋىعۋى بٸر عانا دەرٸگەردٸڭ ەمەس, ناۋقاستىڭ ٶزٸنٸڭ ەمدەلۋگە دەگەن ىنتاسىنا دا بايلانىستى. كورونوۆيرۋسپەن اۋىرعان ادام بار كٷشٸن وسى دەرتتٸ جەڭۋگە جۇمساۋى تيٸس. اعزا ەلسٸرەپ قالادى, سوندىقتان ٶزٸن-ٶزٸ كٷتٸپ, قالىپقا كەلتٸرۋ قاجەت. ول ٷشٸن توي-تومالاقتان, جيىنداردان, ادام كٶپ شوعىرلاناتىن ورىنداردان باس تارتۋ كەرەك. دەرۋمەنگە باي تاماقتاردى ٸشٸپ, ۇيقىعا مەن بەرۋ, تازا اۋادا سەرۋەندەۋ, سپورتپەن شۇعىلدانۋ, سالاۋاتتى ٶمٸر سالتىن قالىپتاستىرۋعا كٶپ كٶڭٸل بٶلۋ كەرەك», – دەيدٸ ەمدەۋشٸ دەرٸگەر پاريدا قۇرمانباەۆا.
اۋرۋحانا قىزمەتكەرلەرٸ اۋرۋىنان ايىعىپ شىققان تۋعان كٷن يەسٸن ٷيٸنە شىعارىپ سالدى ەرٸ ونى دٷنيەگە كەلگەن كٷنٸمەن قۇتتىقتادى.
