قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ تالعات جانجٷمەنوۆ قازاقستاندا جاسالاتىن ٶكپەنٸ جاساندى جەلدەتۋ اپپاراتىنىڭ باعاسى تۋرالى سۇراققا جاۋاپ بەردٸ, دەپ حابارلايدى قازاقپارات.
«بٸر ٶجج اپپاراتى كومپرەسسور, ىلعالداۋىش جەنە ٶزگە دە قاجەتتٸ قۇرالدارىمەن بٸرگە جەنە تاسىمالداۋ شىعىندارىن قوسقاندا 8,9 ملن تەڭگەگە اينالادى. ٶجج اپپاراتتارىنىڭ تولىق ەمەستٸگٸ تۋرالى سەناتور سىنى راستالسا, بٷگٸن وتستاۆكاعا كەتۋگە ەزٸرمٸن», - دەدٸ تالعات جانجٷمەنوۆ مينيسترلٸكتە ٶتكەن بريفينگتە.
سونىمەن بٸرگە, ۆيتسە-مينيستر «قازاقستاندىق ٶجج اپپاراتتارى ەلەكتر قۋاتىنسىز جۇمىس ٸستەي الا ما?» دەگەن سۇراققا جاۋاپ بەردٸ.
«جارىق سٶنٸپ قالسا دا, بارلىق اۋرۋحانا رەزەرۆتٸك قۋات كٶزٸمەن جابدىقتالعان. مۇندا گەنەراتور ەمەس, كومپرەسسور تۋرالى ايتىپ وتىرمىز. ەلەكتر ەنەرگيياسى ەمەس, ستاتسيونارلىق وتتەگٸ جەتكٸزۋ جٶنٸندە. ٶكٸنٸشكە قاراي, ستاتسيونارلىق وتتەگٸ بەرۋ جٷيەسٸ ەلٸمٸزدٸڭ بارلىق اۋرۋحاناسىندا جوق. سول ٷشٸن دە بۇل قۇرىلعىلار قوسىمشا كومپرەسسورمەن جابدىقتالعان, ولار وتتەگٸن تولىقتىرىپ تۇرادى. ياعني, ورتالىق وتتەگٸمەن جابدىقتاۋ جٷيەسٸ بولماسا دا, ولار ٶزدٸگٸنەن جۇمىس ٸستەي الادى. اۋىر وتتەگٸ باللوندارىن تاسۋ قاجەت ەمەس», - دەدٸ ت. جانجٷمەنوۆ.
بۇعان دەيٸن سەناتور نۇرلان قىلىشباەۆ رەسپۋبليكالىق بيۋدجەت قاراجاتىن جۇمساۋدى, ەسٸرەسە مەملەكەتتٸڭ ەلەۋمەتتٸك مٸندەتتەردٸ ورىنداۋىنا جەنە COVID-19-عا قارسى كٷرەس جٶنٸندەگٸ شارالارعا بايلانىستى تەسٸلدەردٸ قايتا قاراۋعا شاقىردى.
«يندۋسترييا جەنە ينفراقۇرىلىمدىق دامۋ مينيسترلٸگٸ ٷكٸمەت رەزەرۆٸنٸڭ قاراجاتى ەسەبٸنەن وتاندىق ٶندٸرۋشٸدەن 1500 دانا ٶجج اپپاراتىن ساتىپ العان, 17 ٶڭٸردٸڭ دەنساۋلىق ساقتاۋ ۇيىمدارى ٸس جٷزٸندە تەك 831-ٸن عانا قابىلدادى. قالعان 669 ٶجج اپپاراتى تولىقتىرىلماعانى ٷشٸن قابىلدانباعان», - دەپ مەلٸمدەدٸ دەپۋتات.
