وڭتٷستٸك قازاقستان وبلىسى تٶلەبي اۋدانىنداعى بٸلٸم ۇيالارىنىڭ ماتەريالدىق-تەحنيكالىق بازاسى جىلدان-جىلعا جاقسارىپ كەلەدٸ. بيىل وبلىستىق بيۋدجەت ەسەبٸنەن العاباس, بٸرٸنشٸ مامىر, ەل-فارابي جالپى ورتا مەكتەپتەرٸندە وقۋ بلوگى, اسحانا, ەڭبەك شەبەرحاناسى, سپورت, اكت زال, كٸتاپحانا قۇرىلىستارىنا قارجى بٶلٸنگەن. سونداي-اق جاڭا وقۋ جىلىندا العاباس ورتا مەكتەبٸنٸڭ قۇرىلىسى اياقتالىپ, ەل يگٸلٸگٸنە بەرٸلدٸ. الداعى جىلى اۋداندا بٸرٸنشٸ مامىر, ەل-فارابي جالپى ورتا مەكتەپتەرٸنٸڭ قۇرىلىسىن اياقتاپ, پايدالانۋعا تاپسىرۋ كٶزدەلٸپ وتىر, دەپ جازادى "ۇلت اقپارات" ەكٸمنٸڭ باسپاسٶز قىزمەتٸنە سٸلتەمە جاساپ.
ايتا كەتەيٸك, جالپى تٶلەبي اۋدانىندا 67 مەكتەپ بار. ونىڭ 52-سٸ ورتا, 6-ۋى نەگٸزگٸ, 9-ى باستاۋىش مەكتەپ, 5-ۋٸ مەكتەپتەن تىس مەكەمە سانالسا, 28-ٸ مەملەكەتتٸك بالاباقشا, 19-ى جەكەمەنشٸك بالاباقشا, سونداي-اق 21 شاعىن ورتالىق پەن 2 كەشكٸ مەكتەپ جۇمىس ٸستەيدٸ.
«وبلىس ەكٸمٸ جانسەيٸت تٷيمەباەۆتىڭ تاپسىرماسىمەن بيىل اۋدانىنمىزداعى 4 مەكتەپتە اعىمداعى جٶندەۋ جۇمىستارى جٷرگٸزٸلدٸ. اتاپ ايتساق, شومشاقتى ورتا مەكتەبٸنٸڭ سپورت زالىنىڭ تٶبەسٸن جابۋ, №3 ورتا مەكتەبٸندەگٸ گاز قازاندىعىن اۋىستىرۋ, №2 ورتا مەكتەپ اۋلاسىنا اسفالت تٶسەۋ, مەدەني ورتا مەكتەبٸنٸڭ سىرتىن سىلاۋ جۇمىستارى اياقتالدى. بۇدان بٶلەك, 67 مەكتەپتٸڭ وقۋ عيماراتتارى ەكتەلٸپ, بويالىپ, وقۋ جابدىقتارى جٶندەۋدەن ٶتتٸ», - دەيدٸ اۋدان ەكٸمٸنٸڭ ورىنباسارى عالىمجان تٶلەپوۆ.
بيىل سونداي-اق اۋدانداعى 44 مەكتەپكە 5133 دانا پارتا ورىندىعىمەن جەنە 144 دانا تاقتا الۋعا اۋداندىق بيۋدجەتتەن قارجى بٶلٸنٸپتٸ. اۋدانداعى 67 مەكتەپتٸڭ 66-سى اۆتونومدى جىلىتۋ جٷيەسٸمەن, ال تاعاينا ورتا مەكتەبٸ پەشپەن جىلىتىلادى. 37 مەكتەپ كٶمٸر, 31-ٸ سۇيىق وتىن پايدالانادى. قاجەتتٸ كٶمٸر مەكتەپتەرگە تاسىلىپ, ارناۋلى قويمالاردا ساقتاۋلى تۇر.
وبلىس ەكٸمٸنٸڭ مەكتەپتەردەگٸ جىلىتۋ جٷيەسٸن سىعىمداۋدان ٶتكٸزۋ تاپسىرماسى دا ويداعىداي ورىندالعان. ايتالىق, 67 مەكتەپتٸڭ جىلىتۋ جٷيەسٸ سىعىمداۋدان ٶتكٸزٸلٸپتٸ.
