وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ «نازارباەۆ زيياتكەرلٸك مەكتەپتەرٸ» دەربەس بٸلٸم بەرۋ ۇيىمى مەن ايماقتاعى بٸلٸم سالاسىنىڭ باسشىلارىمەن كەزدەستٸ. باسقوسۋ ماقساتى - اتالعان وقۋ ورنىنىڭ وزىق پەداگوگيكالىق تەجٸريبەلەرٸن ٶزگە مەكتەپتەرگە تاراتۋ, ايماقتاعى يننوۆاتسييالىق بٸلٸم بەرۋدٸڭ ساپاسىن ارتتىرۋ. كەزدەسۋ بارىسىندا ٶڭٸر باسشىسى بٷگٸنگٸ تاڭدا ەلٸمٸزدە بٸلٸم بەرۋ جٷيەسٸ جاڭا باعىتقا بەت بۇرعاندىعىن اتاپ ٶتتٸ.
«ەلباسىمىز «بٸلٸم-عىلىم-يننوۆاتسييا» اتتى ٷشتٸك ٷستەمدٸككە باعىت الۋىمىز كەرەك» دەپ اتاپ ٶتكەن بولاتىن. ەندەشە, بٸلٸم بەرۋ جٷيەسٸنٸڭ جاڭا ساپالىق دەڭگەيگە ٶتۋ قاجەتتٸلٸگٸ ارتا تٷسۋدە. وڭتٷستٸگٸمٸزدەگٸ يننوۆاتسييالىق بٸلٸم بەرۋدٸڭ ساپاسىن ارتتىرۋدا ورتاق مٷددەلەرگە بٸرلەسٸپ قول جەتكٸزۋدٸ كٶزدەپ وتىرمىز. نەگٸزگٸ ماقسات - جان-جاقتى بٸلٸمدٸ, قابٸلەتتٸ جەكە تۇلعانى, ەلٸمٸزدٸڭ ەرتەڭگٸ تۇتقاسىن بەرٸك ۇستاۋعا دايىن, تولىققاندى جەتٸلگەن مەملەكەتشٸل, پاتريوت جاڭا بۋىن قالىپتاستىرۋ», - دەدٸ جانسەيٸت قانسەيٸتۇلى.
ايتا كەتەرلٸگٸ, وڭتٷستٸك قازاقستان وبلىسىندا پەداگوگ كادرلاردى قايتا دايارلاۋدا بيىل 17 مىڭ ۇستاز بٸلٸكتٸلٸگٸن ارتتىرعان. سونداي-اق, وبلىستاعى 15 اۋدان بويىنشا قۇرامىنا 352 مۇعالٸم ەنگەن موبيلدٸ توپتار قۇرىلىپ, جۇمىس اتقارىلۋدا. ال 2018 جىلى 2500-دەن استام مۇعالٸمدٸ اعىلشىن تٸلٸ كۋرسىنان ٶتكٸزۋ جوسپارلانىپ وتىر.
ٶز كەزەگٸندە سٶز العان «نازارباەۆ زيياتكەرلٸك مەكتەپتەرٸ» دەربەس بٸلٸم بەرۋ ۇيىمىنىڭ باسقارما تٶرايىمى كٷلەش شامشيدينوۆا «جاڭارتىلعان بٸلٸم بەرۋ نە ٷشٸن كەرەك?» تاقىرىبىندا بايانداما جاساپ, جاڭا وقىتۋ ەدٸستەمەلەرٸن ٶزگە دە مەكتەپتەرگە ەنگٸزۋدٸڭ ماڭىزدىلىعىن جەتكٸزدٸ.
باسقوسۋ سوڭىندا وبلىس ەكٸمدٸگٸ مەن «نازارباەۆ زيياتكەرلٸك مەكتەپتەرٸ» دەربەس بٸلٸم بەرۋ ۇيىمى اراسىندا 2017-2019 جىلدارعا ارنالعان ٶزارا ىنتىماقتاستىق ورناتۋ جٶنٸندە مەموراندۋمعا قول قويىلدى. بولاشاقتا مەموراندۋم نەزٸندە ايماقتاعى مەكتەپ مۇعالٸمدەرٸ «نازارباەۆ زيياتكەرلٸك مەكتەپتەرٸنٸڭ» وزىق پەداگوگيكالىق تەجٸريبەلەرٸن مەڭگەرەتٸن بولادى.
