بٷگٸن قازىعۇرت اۋدانىندا وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆتىڭ قاتىسۋىمەن «وتىرابات-قۇرىلىس» سەرٸكتەستٸگٸنٸڭ گازوبەتون بلوگىن شىعاراتىن ٶندٸرٸس ورنىنىڭ ٸسكە قوسىلۋ رەسٸمٸ ٶتتٸ, دەپ حابارلايدى "ۇلت اقپارات" وبلىستىق ەكٸمدٸكتٸڭ باسپاسٶز قىزمەتٸنە سٸلتەمە جاساپ.
بۇل جوبا يندۋسترييالىق-يننوۆاتسييالىق دامۋ باعدارلاماسىنىڭ اياسىندا اۋدانداعى يندۋسترييالدى ايماقتا جٷزەگە اسىپ وتىر. كەسٸپورىن جىلىنا 12 مىڭ شارشى مەتر گازوبەتون بلوگىن شىعاراتىن بولادى.
كەسٸپورىننىڭ جۇمىسىمەن تانىسقان ايماق باسشىسى, ونىڭ ماڭىزدىلىعىنىڭ ارتا تٷسەتٸندٸگٸن ەرەكشە اتاپ ٶتتٸ.
«ٶندٸرٸس سالاسىندا جاقسى وقيعا, ول وسى اۋداننىڭ جەنە كٶرشٸ اۋدانداردىڭ قاجەتتٸلٸگٸ ٷشٸن گازوبەتون بلوگىن شىعاراتىن زاۋىتتىڭ ٸسكە قوسىلۋى. قۇنى 120 ملن. تەڭگە بولاتىن جوبانىڭ ٸسكە قوسىلۋى قۇرىلىس ٷشٸن ماڭىزدى. سوندىقتان بۇل باستامانى قولدايمىن. اتالعان اۋدانداعى يندۋسترييالدى ايماقتا قازٸر جالپى قۇنى 2 ملرد. تەڭگەنٸ قۇرايتىن 7 جوبا جٷزەگە اسىرىلۋدا. كەسٸپورىندار اشىلسا, سالىق تٷسٸپ, ەل بيۋدجەتٸ مولايادى, تۇرعىندار جۇمىسپەن قامتىلاتىن بولادى», - دەدٸ ەكٸم.
سونداي-اق, ٶڭٸر باسشىسى قازىعۇرت - شىمكەنت قالاسىمەن ٸرگەلەس جاتقان كٶرشٸ اۋدان ەكەنٸن جەنە جٸبەك جولى مەن «باتىس ەۋروپا - باتىس قىتاي» ٷلكەن جولدىڭ بويىندا ورنالاسقان اۋدان بولعاندىقتان مۇندا ٶندٸرٸستٸ ٶركەندەتۋ قاجەتتٸگٸن ايتىپ, مۇنداي باستامالاردى قولداۋعا ەرقاشان دايىن ەكەنٸن جەتكٸزدٸ.
ٶندٸرٸستە الدىڭعى قاتارلى يننوۆاتسييالىق تەحنولوگييالاردىڭ قولدانىلۋى مەن جوعارى ساپالى شيكٸزاتتىڭ پايدالانىلۋىنىڭ ارقاسىندا, زاۋىتتىڭ ٶنٸمٸ حالىقارالىق ستاندارتتاردىڭ ەڭ جوعارى تالاپتارىنا جاۋاپ بەرەتٸن بولادى.
مۇندا جىلىنا 12 مىڭ شارشى مەتر, ياعني 336 مىڭ دانا گازوبەتون بلوگى شىعارىلادى. قۇرىلىستا تيٸمدٸ بولىپ كەلەتٸن بۇل ٶنٸمنٸڭ ەنٸ 30 سم, بيٸكتٸگٸ 40, ال ۇزىندىعى 60 سم. اتالعان كەسٸپورىننىڭ ٶنٸمدەرٸ ٶڭٸردە سالىناتىن كٶپقاباتتى تۇرعىن ٷيلەردە قولدانىلاتىن بولادى.
قازىعۇرت اۋدانىنا جاساعان ساپارى بارىسىندا وبلىس ەكٸمٸ جىلىنا 25-30 توننا تەتتٸ ٶنٸمدەر شىعارۋعا قاۋقارلى جەكە كەسٸپكەر گٷلزييا بەيسەباەۆانىڭ كونديتەرلٸك تسەحىنىڭ جۇمىسىمەن تانىسىپ, جەرگٸلٸكتٸ 10 ادامدى جۇمىسپەن قامتىپ وتىرعان ٸسكەر ازاماتشانىڭ جۇمىسىن وڭ باعالادى.
بۇل جوبانىڭ قۇنى 80 ملن. تەڭگەنٸ قۇرايدى. ونى جٷزەگە اسىرۋ ٷشٸن كەسٸپكەر «ONتٷستٸك ٶنٸمدەرٸ» ايماقتىق قارجىلاندىرۋ باعدارلاماسى جەنە «بيزنەستٸڭ جول كارتاسى - 2020» باعدارلاماسىنىڭ «بانك نەسيەلەرٸن كەپٸلدەندٸرۋ» شارتى بويىنشا قارجىلاي قولداۋعا يە بولعان. تٷركييادان كونديتەرلدٸك ٶنٸم ٶندٸرەتٸن قۇرال-جابدىق ەكەلگەن گٷلزييا بەيسەباەۆا ەلٸمٸزدە كەسٸپكەرلٸكپەن اينالىسۋعا جاعداي جاسالعانىن ايتتى.
بۇدان بٶلەك, ەكٸم قازىعۇرت اۋدانىندا جىلىنا 63,2 ملن كۆت ەلەكتر ەنەرگيياسىن ٶندٸرەتٸن شاعىن گيدرو ەلەكتر ستانتسيياسىن ارالاپ كٶردٸ. بٷگٸنگٸ تاڭدا كەسٸپورىن سىناق مەرزٸمٸنەن ٶتٸپ, ەلەكتر قۋاتىن شىعارۋدى باستاپ كەتتٸ. ەلەكتر ستانتسيياسى ٶندٸرٸلگەن ٶنٸمدٸ قىزىلسەنگٸر ەلدٸ مەكەنٸنٸڭ ەلەكتر جەلٸسٸنە قوسۋ ٷشٸن «وڭتٷستٸك جارىق» مەكەمەسٸنە 1كۆت 16,71 تەڭگەدەن ەلەكتر قۋاتىن ٶتكٸزۋدە. ٷلكەن كەسكەن كانالىنان 6م³/سەك. سۋ الىنىپ, 450 مەتر تٶمەن قاراي ەلەكتر ستانتسيياسىنا كەلٸپ, ارنايى قوندىرعىلاردان ٶتٸپ ساع/1000 كۆت. ەلەكتر قۋاتى شىعارىلادى.
