بٷگٸن وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆتىڭ تٶراعالىعىمەن وبلىس ەكٸمدٸگٸندە سەلەكتورلىق مەجٸلٸس ٶتتٸ. كٷن تەرتٸبٸندە نەگٸزگٸ ٷش مەسەلە قارالدى. سونىڭ بٸرٸ – ايماقتىڭ 2017 جىلدىڭ 8 ايىنداعى ەلەۋمەتتٸك-ەكونوميكالىق دامۋ قورتىندىسى بولدى. بۇل تۋرالى وبلىستىق ەكونوميكا جەنە بيۋدجەتتٸ جوسپارلاۋ باسقارماسىنىڭ باسشىسى ارمان سەبيتوۆ بايانداما جاساپ, سالاداعى اتقارىلعان جۇمىستارعا ەسەپ بەردٸ, دەپ حابارلايدى "ۇلت اقپارات".
ونىڭ ايتۋىنشا وبلىسىمىزداعى ٶنەركەسٸپ ٶنٸمٸنٸڭ كٶلەمٸ 510,1 ملرد. تەڭگەنٸ قۇراپ, ٶتكەن جىلدىڭ سەيكەس كەزەڭٸمەن سالىستىرعاندا 0,2 پايىزعا ارتقان. ال, ٶڭدەۋ ٶنەركەسٸبٸ ٶنٸمٸنٸڭ كٶلەمٸ 353,0 ملرد. تەڭگەنٸ قۇراپ, 2,4 پايىزعا ٶسٸپ وتىر. جىلدىڭ قورىتىندىسىمەن كەن ٶندٸرۋ ٶنەركەسٸبٸ ٶنٸمٸنٸڭ كٶلەمٸ 200 ملرد. تەڭگەنٸ قۇراعان.
«وبلىسىمىزدا جەڭٸل ٶنەركەسٸپ – 5,2 پايىزعا, ماشينا جاساۋ – 32,7, حيمييالىق ٶنەركەسٸپ – 17,3, مەتاللۋرگييا – 17,0, ٶزگە مەتالل ەمەس مينەرالدىق ٶنٸمدەر – 14,8, فارماتسەۆتيكالىق ٶنٸمدەر – 12,1, تاماق ٶنٸمدەرٸن ٶندٸرۋ – 8,4 پايىزعا ارتىپ وتىر. جىلدىڭ قورىتىندىسىمەن ٶڭدەۋ ٶنەركەسٸبٸ ٶنٸمٸنٸڭ كٶلەمٸ 570 ملرد. تەڭگەنٸ قۇرايدى دەگەن جوسپار بار», - دەدٸ ارمان سەبيتۇلى.
بيىل وبلىسقا 266,0 ملرد. تەڭگە ينۆەستيتسييا باعىتتالىپ, 2016 جىلدىڭ تيٸستٸ كەزەڭٸمەن سالىستىرعاندا 21,8 پايىزعا ارتقان. ال, اۋىل شارۋاشىلىعىنىڭ جالپى ٶنٸم كٶلەمٸ 257,4 ملرد. تەڭگەنٸ قۇراسا, مال شارۋاشىلىعىندا مال باسىنىڭ سانى ورتاشا ەسەپپەن 5,5 پايىزعا كٶبەيگەن. سونداي-اق, ەت ٶندٸرٸسٸ – 5,1, سٷت - 2,0, جۇمىرتقا – 9,1 پايىزعا ٶسكەن.
وبلىس ەكٸمٸ جوعارىدا اتالعان سالالار بويىنشا تٶمەن كٶرسەتكٸش كٶرسەتكەن اۋدان, قالا باسشىلارىنىڭ جۇمىسىن جانداندىرۋ قاجەتتٸگٸن ەسكەرتتٸ.
«سىرتقى ينۆەستيتسييا تارتۋدى جانداندىرۋ قاجەت. سونىمەن قاتار باسقارما باسشىلارى مەن اۋدان, قالا ەكٸمدەرٸ 2017 جىلعا جوسپارلانعان ينديكاتورلاردىڭ تولىق ورىندالۋىن قامتاماسىز ەتٸپ, ينديكاتورلاردىڭ ورىندالۋى تۋرالى اقپاراتتى اي قورىتىندىسىمەن ەكونوميكا جەنە بيۋدجەتتٸك جوسپارلاۋ باسقارماسىنا ۇسىنۋدى تاپسىرامىن», - دەدٸ جانسەيٸت تٷيمەباەۆ.
مەجٸلٸس بارىسىندا وبلىستىق بيۋدجەتتٸڭ يگەرٸلۋ بارىسى دا تالقىلاندى. بۇل تۋرالى وبلىستىق قارجى باسقارماسى باسشىسىنىڭ مٸندەتٸن اتقارۋشى راقىمبەردٸ مٷلكەمانوۆ بايانداما جاساپ, جىل سوڭىنا دەيٸن تيٸستٸ قارجىلاردىڭ يگەرٸلۋ قاجەتتٸگٸنە توقتالدى. بۇل رەتتە وبلىس باسشىسى جەرگٸلٸكتٸ بيۋدجەتٸ يگەرۋ ماقساتىنداعى جۇمىستاردى جەتٸلدٸرٸپ, ناقتى جوسپار قۇرۋدى جٷكتەدٸ.
