وڭتٷستٸك قازاقستان وبلىسىندا تٷركييالىق ينۆەستورلارمەن قۇنى 12 ملن. اقش دوللارى بولاتىن ەكٸ جوبا جٷزەگە اسپاق, دەپ حابارلايدى "ۇلت اقپارات" ايماق باسشىسىنىڭ باسپاسٶز قىزمەتٸنە سٸلتەمە جاساپ.
مۇنداي كەلٸسٸمگە تٷرٸك بيزنەس–قۇرىلىمدارىنىڭ جەتەكشٸلەرٸ باستاعان دەلەگاتسييانىڭ استانا قالاسىنا جاساعان جۇمىس ساپارى كەزٸندە قول جەتكٸزٸلٸپ وتىر.
قازاقستانعا جاساعان ساپارى كەزٸندە ەلوردامىز - استانادا «وڭتٷستٸك» يندۋستريالدى ايماقتاردىڭ باسقارۋشى كومپانيياسى مەن تٷركييالىق بيزنەسمەندەر اراسىندا قۇنى 12 ملن. اقش دوللارىن قۇرايتىن ينۆەستيتسييالىق ەكٸ قۇجاتقا قول قويىلدى.
كٷنگەيدەگٸ قازاق-تٷرٸك يندۋستريالدى ايماعىندا وسى جىلى ٸسكە اسىرىلاتىن جوبانىڭ بٸرٸ - قورعاسىن كونتسەنتراتىن ٶندٸرەتٸن تٷركييالىق Merkez Asia Madencilik كومپانيياسىنىڭ زاۋىتى (قۇنى 2 ملن. اقش دوللارى) بولسا, ەكٸنشٸسٸ - قۇنى 10 ملن. اقش دوللارى بولاتىن Petronet Otomosyon كومپانيياسىنىڭ جانار-جاعارماي تاراتۋ كولونكالارىن شىعاراتىن زاۋىتى.
بٷگٸندە اۋماعى 50 گەكتاردى الىپ جاتقان «قازاق-تٷرٸك» يندۋستريالدى ايماعىندا جالپى قۇنى 37,5 ملن. اقش دوللارىن قۇرايتىن 8 جوبا جٷزەگە اسىرىلۋدا. اتالعان جوبالار ٸسكە قوسىلعاندا جاڭا 900 جۇمىس ورنى قۇرىلادى دەپ جوسپارلانۋدا.
ايتا كەتەيٸك, جىل سوڭىنا دەيٸن اتالعان يندۋستيالدى ايماقتا «Gold Aluminum» جشس-نٸڭ پۆح پروفيلدەرٸ مەن پۆح جەنە اليۋمينييدەن جاسالعان مٶلدٸر كونسترۋكتسييالاردى ٶندٸرەتٸن شاعىن تسەحى ٸسكە قوسىلادى.
ەسكە سالساق, 9 قىركٷيەك كٷنٸ قازاقستان رەسپۋبليكاسىنىڭ پرەمەر-مينيسترٸ باقىتجان ساعىنتاەۆتىڭ تٷركييانىڭ بيزنەس قۇرىلىمدارىنىڭ ٶكٸلدەرٸمەن كەزدەسۋٸ ٶتكەن بولاتىن.
