وڭتٷستٸك قازاقستان وبلىسىندا «روساتومنىڭ» شاعىن سۋ ەلەكتر ستانتسييالارىن سالۋ ٸسٸ قولعا الىنادى. بۇل جوبانى «شىمكەنت» ەلەۋمەتتٸك-كەسٸپكەرلٸك كورپوراتسيياسى جٷزەگە اسىرادى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
«شىمكەنت» ەكك مەن «روساتوم ورتالىق ازييا» ايماقتىق ورتالىعى ٶزارا تٷسٸنٸستٸك پەن ەرٸپتەستٸك كەلٸسٸمٸنە قول قويدى. ونىڭ ماقساتى - وڭتٷستٸك قازاقستان وبلىسىندا شاعىن سۋ ەلەكتر ستانتسيياسى مەن باسقا دا بالامالى ەنەرگييا سالاسىن دامىتۋ, سونداي-اق, تابيعات قورىن تيٸمدٸ پايدالانۋ مەن ساقتاۋ بولىپ وتىر. قۇجاتقا «شىمكەنت» ەكك باسقارما تٶراعاسى ايتمۇحاممەد الداجاروۆ پەن «روساتوم ورتالىق ازييا» باس ديرەكتورى ۆيتاليي دراگۋنوۆ قول قويدى.
تاراپتار وڭتٷستٸكتٸڭ تاۋلى ايماقتارىندا قۋاتتى 2مۆت-قا دەيٸنگٸ, كونتەينەر تيپتەس شاعىن سۋ ستانتسييالارىن سالۋدىڭ پيلوتتىق جوباسىن بٸرگە قۇرماق. كەلٸسٸلگەن ەرٸپتەستٸك بويىنشا 2017 جىلدىڭ قىركٷيەك ايىنىڭ ٶزٸندە ماماندار ستانتسييالاردى سالۋعا جەنە سۋ جيناۋ قۇرىلعىسى مەن كونتەينەرلەردٸ ورناتۋعا قولايلى ورىنداردى انىقتاۋ ٷشٸن العاشقى تەحنيكالىق ٸس-ساپارمەن كەلۋدٸ جوسپارلاپ وتىر.
كونتەينەردەگٸ شاعىن سەس شىعارۋمەن «روساتوم» مەملەكەتتٸك كورپوراتسيياسى «اتومەنەرگوماش» كومپانيياسىنىڭ قۇرامىنا كٸرەتٸن ۆەنگرييانىڭ Ganz Engineering and Energetics Machinery llc. (Ganz EEM) كومپانيياسى اينالىسادى. شاعىن سەس-تەردٸ تۇرعىندارى ەلەكتر جەلٸسٸنە قوسىلماعان ايماقتاردا قولدانۋعا بولادى. شاعىن سەس تۋربيناسى جەنە باسقارۋ تەتٸگٸ بار كونتەينەرلەر جەتكٸزٸلگەن سوڭ بٸر ايدان كەيٸن 1مۆت-قا دەيٸن ەلەكتر ەنەرگيياسىن ٶندٸرە الادى. ايتا كەتەيٸك, شاعىن سەس قاشىقتىقتان, سپۋتنيكالىق بايلانىس ارقىلى باسقارىلادى. قازٸر شاعىن سەس-تەردٸ ٶزگە ەلدەرگە ەكسپورتتاۋ بويىنشا كەلٸسسٶز جٷرگٸزٸلۋدە.
ايتا كەتەيٸك, وڭتٷستٸك قازاقستان وبلىسىنىڭ تاۋ ٶزەندەرٸنٸڭ مول ەلەۋەتٸن ەسكەرگەن قوس تاراپ العاشقى جوبا اياقتالعان سوڭ دا ەرٸ قاراي بٸرگە جۇمىس ٸستەپ, جەرگٸلٸكتٸ ەكٸمدٸكپەن شاعىن سۋ ەنەرگەتيكاسى سالاسىنداعى باسقا دا جوبالاردى جٷزەگە اسىرۋعا نيەتتٸ.
