بٷگٸندە اۋىل شارۋاشىلىعى ٶنٸمدەرٸن مولايتىپ, ساپاسىن ارتتىرۋ جەنە مال شارۋاشىلىعىن دامىتۋ ٷشٸن تىڭ عىلىمي جەتٸستٸكتەردٸ يگەرۋ قاجەتتٸلٸگٸ تۋىندايدى. وسى رەتتە, سوڭعى جىلدارى ەل اراسىندا اتى جيٸ اتالىپ جٷرگەن «گيدروپونيكا» ەدٸسٸن ايتۋعا بولادى, دەپ حابارلايدى "ۇلت اقپارات" وقو ەكٸمٸنٸڭ باسپاسٶز قىزمەتٸنە سٸلتەمە جاساپ.
وڭتٷستٸك قازاقستان وبلىسىنداعى «قازاگروگرين» كەسٸپورنى فەرمەرلەردٸ مال ازىعىمەن قامتاماسىز ەتۋدٸڭ يننوۆاتسييالىق تەسٸلٸن ۇسىندى. بۇل جەردە ارپا 1 اپتا ٸشٸندە ٶسٸرٸلەدٸ. گيدروپوندى مال ازىعىنىڭ قۇرامىندا جانۋارلارعا ارنالعان دەرۋمەندەر مەن پايدالى زاتتار بار.
2015 جىلى ٶڭٸردە جۇمىس جاساپ كەلەتٸن كەسٸپورىن 0,5 جەنە 1, 2 توننالىق گيدروپونيكالىق قوندىرعىنى ٶندٸرٸپ كەلسە, بيىل جىلىنا 1460 توننا شاماسىندا جەم-شٶپ شىعارۋعا قاۋقارلى 4 توننالىق جاڭا قوندىرعىنى ٸسكە قوستى. وسى ۋاقىت ٸشٸندە كەسٸپورىن ٶز قوندىرعىلارىن وبلىستاعى تٶرت ٸرٸ شارۋا قوجالىققا ورناتقان. ال بٷگٸندە تٶرت توننالىق جاڭا قوندىرعىنى «اتامەكەن» شارۋا قوجالىعىنا ورناتۋدا.
شارۋا قوجالىقتار قۇنى 29 جەنە 72 ملن تەڭگە بولاتىن قوندىرعىعا «وڭتٷستٸك» ايو-نىڭ قارجىلاندىرۋى ارقىلى قول جەتكٸزٸپ وتىر. ەندٸ يننوۆاتسييالىق تىڭ ەدٸستٸ ورناتامىن دەگەن فەرمەرگە مەملەكەت 10 ملن تەڭگە كٶلەمٸندە سۋبسيدييا بەرمەك.
جاڭا تەحنولوگييانىڭ ارقاسىندا جەر جىرتىپ, مال ازىعى از دەپ الاڭدامايسىز. ەڭبەك كٷشٸن دە تالاپ ەتپەيدٸ. گيدروپونيكا ەدٸسٸ ارقىلى كٷنٸنە 2 توننا ٶنٸم ٶندٸرۋگە بولادى. ال, جىلىنا شامامەن 1500 توننا جەم-شٶپ جيناۋعا مٷمكٸندٸك بار.
كەسٸپورىن ديرەكتورى باقىتجان كٶپباەۆتىڭ ايتۋىنشا, گيدروپونيكا ەدٸسٸ ارقىلى دايىندالعان ٶنٸمدەر ارپا داقىلىنىڭ قۇنارلىعىمەن پارا-پار ەكەن. جاسىل جەمدٸ پايدالانعان شارۋا ۆەتەرينارلىق اۋرۋلاردى دا بٸرجولاتا ۇمىتادى, - دەيدٸ ول. وسىلايشا, شارۋالار تٶرت تٷلٸگٸنە قارجى ٷنەمدەپ, تازا, ەرٸ قۇنارلى جەممەن ازىقتاندىرا الادى.
