بٷگٸن وڭتٷستٸك قازاقستان وبلىسى ەكٸمٸنٸڭ ورىنباسارى ۇلاسبەك سەدٸبەكوۆ استانا قالاسىندا ٶتكەن «ەكسپو-2017» حالىقارالىق مامانداندىرىلعان كٶرمەسٸنە وبلىسىمىزدان قاتىسقان ەرٸكتٸ جاستارمەن كەزدەستٸ. كەزدەسۋ بارىسىندا ۇلاسبەك سەدٸبەكۇلى كٶرمەنٸڭ جوعارى دەڭگەيدە ٶتكٸزٸلۋٸنە ٶز ٷلەستەرٸن قوسقان ەرٸكتٸ جاستارعا وبلىس ەكٸمٸنٸڭ العىس حاتىن تابىستاپ, ارنايى سىيلىقتارمەن ماراپاتتادى, دەپ حابارلايدى "ۇلت اقپارات" ايماق باسشىسىنىڭ باسپاسٶز قىزمەتٸنە سٸلتەمە جاساپ.
كٶرمەنٸڭ جوعارى دەڭگەيدە ٶتۋٸنە اتسالىسقان جاستارعا العىسىن بٸلدٸرگەن ۇلاسبەك سەدٸبەكۇلى ەلەمدٸك شارانىڭ ماڭىزدىلىعىن دا اتاپ ٶتتٸ.
«جالپى, ەكسپو كٷندەرٸندە 6 مىڭنان استام تٷرلٸ دەڭگەيدەگٸ ٸس-شارالار ٶتكٸزٸلدٸ. ەكسپو كٶرمەسٸن ٶتكٸزۋ ارقىلى بٸزدٸڭ ەل «جاسىل» تەحنولوگييالاردى دامىتۋ يدەياسىنا بەرٸك ەكەنٸن تاعى دا دەلەلدەي تٷستٸ. ماۋسىمنىڭ 10 مەن قىركٷيەكتٸڭ 9 ارالىعىندا ەكسپو-2017 حالىقارالىق مامانداندىرىلعان كٶرمەسٸنە 5 ملن. استام ادام كەلگەن. ونىڭ ٸشٸندە 151 مىڭ وبلىس تۇرعىندارى بولسا, سونىڭ ٸشٸندەگٸ 15 مىڭى وبلىس جاستارى», - دەدٸ ۇلاسبەك سەدٸبەكۇلى.
2015 جىلدان باستاپ وبلىسىمىزدىڭ بارلىق اۋدان, قالالارىندا استانا «ەكسپو-2017» حالىقارالىق كٶرمەسٸنە ەرٸكتٸلەردٸ دايارلاۋ ماقساتىندا ناسيحاتتاۋ جۇمىستارى جٷرگٸزٸلٸپ, كٶپتەگەن سەمينار-ترەنينگتەر ٶتكٸزٸلدٸ. جالپى شەتەلدەن كەلەتٸن قوناقتار مەن تۋريستەرگە ەلٸمٸز بويىنشا 3 مىڭنان اسا ەرٸكتٸ قىزمەت كٶرسەتسە, سونىڭ 150-ٸ بٸزدٸڭ وبلىسىمىزدىڭ جاستارى. ونىڭ ٸشٸندە: 73 ۇل, 77 قىز بالا.
ناقتىلاپ ايتقاندا, شىمكەنت قالاسىنان 100, تٷركٸستان قالاسىنان 37, كەنتاۋ قالاسىنان 8, ماقتارال اۋدانىنان 5 جاس ٸرٸكتەلٸپ الىنعان بولاتىن. ەرٸكتٸ جاستار 30 ماۋسىم كٷنٸ استانا قالاسىنا جولعا شىعىپ, 1 شٸلدەدەن - 5 تامىز كٷنٸ ارالىعىندا ياعني بٸر اي بويى شەتەلدەن كەلگەن قوناقتارعا 3 تٸلدە (قازاقشا, ورىسشا, اعىلشىنشا) ساپالى قىزمەت كٶرسەتكەن. 150 ەرٸكتٸ جاس نەگٸزٸنەن قاۋٸپسٸزدٸك, مەرەكەلٸك ٸس-شارالار, بيلەتتەۋ, حاتتاما, قوعاممەن بايلانىس, سەرٸكتەستەر مەن دەمەۋشٸلەر, ەكسپو قالاشىق, مەديتسينا, اككرەديتاتسييا سەكٸلدٸ باعىتتاردا جۇمىس ٸستەگەن. ال, 15 ەرٸكتٸ جاس «ەكسپو-2017» پاۆيليونىندا اقىلى تٷردە جۇمىس ٸستەۋگە مٷمكٸندٸك العان.
