وڭتٷستٸك قازاقستان وبلىسىندا بەس بالاسى بار جالعىزباستى اناعا قايىرىمدى جاندار باسپانا سالىپ بەردٸ. كٶپ بالالى وتباسىنىڭ باسپانالى بولۋىنا ارىس قالاسىنىڭ مەشٸت قىزمەتكەرلەرٸ مۇرىندىق بولعان, دەپ حابارلايدى قازاقپارات تٸلشٸسٸ.
جٸبەك نەلٸباەۆا وسى كٷنگە دەيٸن بەس بٸردەي پەرزەنتٸمەن پەتەر جالداپ, تالاي اۋىر كٷندەردٸ باسىنان ٶتكٸزٸپ كەلٸپتٸ. ٷيەلمەلٸ-سٷيەلمەلٸ بەس بالاسىمەن كٶشٸپ-قونۋدىڭ ازابىن تارتقان ەيەل اقىرى اۋىلداعى يمامداردان جەردەم سۇراعان. جالعىزباستى قامكٶڭٸل انانىڭ جاعدايىمەن تانىسقان دٸن ٶكٸلدەرٸ جەرگٸلٸكتٸ كەسٸپكەرلەر مەن قالتالى ازاماتتاردىڭ باسىن قوسىپ, كٶمەككە مۇقتاج جانۇياعا باسپانا سالىپ بەرۋ تۋرالى ۇسىنىس تاستايدى. بۇل ۇسىنىستى قۇپ كٶرگەن ازاماتتار ارىس قالاسىنىڭ «ناۋرىز» مٶلتەك اۋدانىنان ٷش بٶلمەلٸ تۇرعىن ٷي سالىپ بەردٸ.
«بٸرەۋ شاتىرىن جاباتىن شيفرىن بەردٸ, بٸرەۋ تسەمەنتىن بەردٸ. سٶيتٸپ قۇرىلىس ماتەريالدارى جينالدى. سونداي-اق, مەشٸتتٸڭ جاماعاتى مەن قالا يمامدارى دا جەردەم بەردٸ. «كٶپ تٷكٸرسە كٶل» دەمەكشٸ, بەرٸ بەردەي جۇمىلدى. وسى كٸسٸگە نەسٸپ ەتٸپتٸ ٷي الۋ, ەر جەردە كٶشٸپ قونىپ جٷرگەندە. كەسٸپكەرلەر قولداپ قوشتادى, اللا رازى بولسىن», - دەيدٸ ارىس قالاسىنىڭ باس يمامى ابدۋكامال ەبدۋكەرٸم.
جاڭا ٷيدٸڭ كٸلتٸن تابىستاۋ رەسٸمٸنە حالىق كٶپ جينالدى. جاڭا ٷيدٸڭ كٸلتٸن العان انا وسىنداي قايىرىمدى ٸستٸڭ باسىندا جٷرگەن ازاماتتارعا ٶز ريزاشىلىعىن بٸلدٸرٸپ, انالىق العىسىن ايتتى. تٸپتٸ قۋانىشتان كٶزٸنە جاس الىپ, مۇنداي باسپاناعا قول جەتكٸزۋ ارمان بولعانىن ايتادى.
«كٸلٸتتٸ الدىم. ٷيدٸڭ ٸشٸنە بالا-شاعامىزبەن كٸرٸپ قۋانىپ جاتىرمىز. ەسٸرەسە پەرزەنتتەرٸم قاتتى قۋانىپ وتىر. وسى باسپاناعا اتسالىسقان ازاماتتارىمىز امان بولسىن. ولارعا ايتار العىسىم شەكسٸز. مەن سيياقتى كٶپ بالالى انالارعا, جاعدايى تٶمەن وتباسىلارعا دا وسىنداي قۋانىش تٸلەر ەدٸم», - دەيدٸ جٸبەك نەلٸباەۆا.
ايتا كەتەيٸك, توعىز جولدىڭ تورابىندا ورنالاسقان شاعىن قالادا بۇعان دەيٸن جالدامالى پەتەرلەردٸ پانالاپ كەلگەن جالعىز باستى اناعا ٷي بەرٸلگەن بولاتىن. ول كەزدە دە ەلەۋمەتتٸڭ ەلسٸز توبىنا مەشٸت يمامدارى مەن جەرگٸلٸكتٸ كەسٸپكەرلەر كٶمەك قولىن سوزدى. وسىلايشا جەتٸمٸن جىلاتپاعان, جەسٸرٸن جەرگە قاراتپاعان ەل ازاماتتارى قايىرىمدىلىق جاساۋدى دەستٷرگە اينالدىرىپ كەلەدٸ.
