وڭتٷستٸك قازاقستان وبلىسىندا «ٶرلەۋ» باعدارلاماسىن ٸسكە اسىرۋ جۇمىستارى قارقىن الدى. بٸر عانا ماقتارال اۋدانىندا بيىل اتالعان جوبا اياسىندا رەسپۋبليكالىق بيۋدجەتتەن 963 ميلليون تەڭگە, جەرگٸلٸكتٸ بيۋدجەتتەن 600 ميلليون تەڭگە قارجى بٶلٸنگەن. بۇل تۋرالى ٶڭٸرلٸك كوممۋنيكاتسييا ورتالىعى ۇيىمداستىرعان پرەسس تۋر بارىسىندا ماقتارال اۋدانىنىڭ ەكٸمٸنٸڭ ورىنباسارى ماقسات جولداسبەكوۆ مەلٸم ەتتٸ, دەپ حابارلايدى "ۇلت اقپارات".
ماقسات جولداسبەكوۆتىڭ سٶزٸنشە, قوماقتى قارجىلار بٶلٸنۋٸنٸڭ ارقاسىندا 1439 وتباسى, ياعني 15493 ادام ٶز كەسٸپتەرٸن اشىپ, تٸرلٸگٸن دٶڭگەلەتٸپ وتىر.
«ٶرلەۋ» باعدارلاماسىنىڭ تيٸمدٸلٸگٸن كٶرگەن كٶپبالالى انانىڭ بٸرٸ - شىنار ساتتاروۆا مەملەكەتتەن 450 مىڭ تەڭگە دەمەۋ قارجى الىپ, جەتٸساي قالاسىنان دەمحانا اشىپتى. قازٸر مۇندا 5 ادام جۇمىسپەن قامتىلعان.
«مەملەكەتتٸڭ «ٶرلەۋ» جوباسىن قولعا العانى بٸز سەكٸلدٸ كٶپبالالى انالارعا مول مٷمكٸندٸك بەرٸپ وتىر. مەن ٶز باسىم وسى جوبانى پايدالانىپ, كەسٸپ اشۋعا بەل بۋدىم. ەزٸرگە نەتيجەسٸ جامان ەمەس. حالىققا ساپالى قىزمەت كٶرسەتٸپ, العاشقى تابىستارىمىزدى كٶرە باستادىق», - دەيدٸ شىنار ساتتاروۆا.
مۇنان سوڭ باق ٶكٸلدەرٸ بٸرلٸك اۋىلىنا ات باسىن بۇرىپ, ەلباسىنىڭ «بولاشاققا باعدار: رۋحاني جاڭعىرۋ» ماقالاسىندا ايتىلعان «تۋعان جەر» باعدارلاماسى اياسىندا اشىلعان "جاستار" سپورت كەشەنٸنٸڭ جۇمىسىمەن تانىستى. سۇتانبەك قوجانوۆ مەكتەبٸنٸڭ بازاسىندا ورنالاسقان كەشەننٸڭ قايتا قۇرىلىمداۋ جۇمىستارىن وسى اۋىلدىڭ تۋماسى كەسٸپكەر ابىز اليپوۆ ٶز قارجىسىنا جٷرگٸزٸپتٸ. مۇندا اۋىل جاستارى بٸر مەزگٸلدە سپورتتىڭ ۆولەيبول, باسكەتبول, فۋتبول تٷرلەرٸمەن اينالىسا الادى. الداعى ۋاقىتتا كەسٸپكەر وسى اۋىلدان سۋ سپورتى كەشەنٸن سالىپ بەرۋدٸ جوسپارلاپ وتىر.
بۇدان بٶلەك, كەسٸپكەر اۋىلدىڭ كٸرە بەرٸسٸنە قاقپا تۇرعىزىپ, باسپاناسىز جٷرگەن جاعدايى تٶمەن وتباسىعا قۇنى 5 ميلليون تەڭگەلٸك جاڭا تۇرعىن ٷي سالىپ بەرٸپتٸ.
