وڭتٷستٸك قازاقستان وبلىسىنداعى بەيدٸبەك اۋدانىندا شايان ٶزەنٸنٸڭ جاعاسىنان جاسالعان بالىق ٶسٸرۋ توعانىنا 50 مىڭ شاباق جٸبەرٸلدٸ, دەپ حابارلايدى "ۇلت اقپارات" ايماق باسشىسىنىڭ باسپاسٶز قىزمەتٸنە سٸلتەمە جاساپ.
شايان ٶزەنٸنٸڭ جاعاسىنان 5 گەكتار جەر العان جەكە كەسٸپكەر ە.شىنقوجا وندا ٷش بالىق ٶسٸرۋ توعانىن سالىپتى. ال مۇندا سازان مەن تۇقى بالىقتارىنىڭ شاباقتارىن جٸبەرۋ شاراسىنا بەيدٸبەك اۋدانى ەكٸمٸنٸڭ ورىنباسارى ن.ايتبەكوۆ, اۋىلدىق وكرۋگ ەكٸمدەرٸ, بٶلٸم باسشىلارى مەن قوعامدىق ۇيىمداردىڭ ٶكٸلدەرٸ, اۋىل ارداگەرلەرٸ قاتىستى.
اتالعان ٷش توعاندا جالپى 500 مىڭ بالىق ٶسٸرۋگە بولادى. جەرگٸلٸكتٸ جەتٸ ادام جۇمىسپەن قامتىلعان. كەسٸپكەر ەندٸ بەس گەكتار جەردٸڭ اۋماعىنا جاسىل جەلەك ەگٸپ, سۋ بۇرعاق ورناتۋدى جەنە دەمالىس ايماعىنىڭ قۇرىلىسىن جٷرگٸزٸپ, كەلەسٸ جىلى پايدالانۋعا بەرۋدٸ جوسپارلاپ وتىر.
بۇل - بەيدٸبەك اۋدانىندا اشىلعان وسى ٷشٸنشٸ بالىق شارۋاشىلىعى. بۇعان دەيٸن 2015 جىلى «كازگولدفيشت» جشس-ٸ «دوسان-قاراباس» سۋ قويماسىنا 700 مىڭ سازان, اق, قارا امۋر بالىقتارىن جٸبەرسە, 2017 جىلدىڭ مامىر ايىندا «نۇر-اي» شارۋا قوجالىعى «بٶگەن» ٶزەنٸنٸڭ جاعاسىنان ارنايى توعان جاساپ, سازان, اق امۋر مەن كاراس بالىقتارىنىڭ 8 مىڭ شاباعىن جٸبەرگەن بولاتىن.
ستاتيستيكا بويىنشا سۋ قويمالارىنا جٸبەرٸلگەن شاباقتاردىڭ 70-80 پايىزى ەرٸ قاراي ٶسٸپ جەتٸلەدٸ ەكەن. بالىقتىڭ بۇل تٷرلەرٸن سۋ ايدىندارىنا جٸبەرۋ كٶكتەم جەنە كٷز ايلارىندا جٷزەگە اسىرىلادى.
