بٷگٸن وبلىس ەكٸمٸ, الماتى وبلىستىق قازاقستان حالقى اسسامبلەياسىنىڭ تٶراعاسى اماندىق باتالوۆ تالدىقورعانداعى دوستىق ٷيٸندە بولىپ, اسسامبلەيا مٷشەلەرٸمەن كەزدەستٸ.
الدىمەن جينالعانداردى جاڭا جىلمەن قۇتتىقتاعان وبلىس ەكٸمٸ ٶڭٸردٸڭ ٶتكەن جىلعى ەلەۋمەتتٸك-ەكونوميكالىق تابىستارىنا دا توقتالىپ ٶتتٸ. سونىڭ ٸشٸندە اۋىل شارۋاشىلىعى, ٶنەركەسٸپ, تۋريزمدٸ ٶركەندەتۋ, ينفراقۇرىلىمداردى دامىتۋ, مەكتەپتەر مەن بالاباقشالار سالۋ جەنە باسقا دا ٸرگەلٸ ٸستەر جايلى ايتتى.
- ەلباسى ٶڭٸرلەرگە ٷلكەن كٶڭٸل بٶلٸپ وتىر. وبلىسقا كەلگەن ساپارىندا اۋداندار اراسىنداعى ەكونوميكالىق تەڭگەرٸمسٸزدٸكتٸ جويۋ تۋرالى تاپسىرما بەرگەن بولاتىن. الدىمەن كٶكسۋ, كەيٸن اقسۋ قانت زاۋىتتارىن ٸسكە قوسۋ ارقىلى قازٸر قىزىلشا ٶسٸرۋشٸ اۋدانداردىڭ ٶندٸرٸستٸك قۋاتى ارتىپ, الماتىداي ٸرٸ مەگاپوليسپەن ٸرگەلەس جاتقان اۋدانداردان قالىسپاي كەلەدٸ. قىزىلشامەن قاتار جٷگەرٸ ٶسٸرۋ دە جولعا قويىلدى. وسىنىڭ بەرٸ ەلدٸڭ ەل-اۋقاتىن ارتتىرۋعا ىقپال ەتٸپ وتىر, - دەدٸ ا. باتالوۆ.
مۇنان سوڭ وبلىس باسشىسى ەتنوسارالىق تاتۋلىق, ەل ٸشٸندەگٸ ىنتىماق پەن بٸرلٸك مەسەلەسٸ, ەلباسىنىڭ «رۋحاني جاڭعىرۋ» جەنە «ۇلى دالانىڭ جەتٸ قىرى» ماقالالارىنان تۋىندايتىن مٸندەتتەر جايلى دا كەڭٸنەن سٶز قوزعادى.
ودان كەيٸن «ۇلاعات» اقساقالدار كەڭەسٸنٸڭ تٶرايىمى سۆەتلانا گايتوۆا, تاتار ەتنو مەدەني ورتالىعىنىڭ جەتەكشٸسٸ رۋسلان ۆاليشانوۆ, ورىس ەتنو مەدەني ورتالىعى جەتەكشٸسٸنٸڭ ورىنباسارى لاريسا كوتەلنيكوۆا, انالار كەڭەسٸ تٶرايىمنىڭ ورىنباسارى عالييا اقباسوۆا جەنە باسقا دا بٸرلەستٸكتەردٸڭ ٶكٸلدەرٸ سٶز الىپ, ٶڭٸردەگٸ وڭ ٶزگەرٸستەرگە دەگەن كٶزقاراستارىن بٸلدٸردٸ. اتاپ ايتقاندا, تالدىقورعان قالاسىنىڭ كٷننەن كٷنگە كٶركەيٸپ كەلە جاتقانىنا, اۋىل شارۋاشىلىعى مەن كەسٸپكەرلٸككە قولداۋ كٶرسەتۋ شارالارىنا, ەربٸر ەتنوستىڭ ٶز تٸلٸ مەن دەستٷرٸن, مەدەنيەتٸن ساقتاۋعا جاسالىپ وتىرعان جاعدايعا ريزاشىلىقتارىن ايتتى. بۇدان بىلاي دا بەرەكە-بٸرلٸكتٸڭ ارقاسىندا ەلدٸ ٶركەندەتۋ ٸسٸنە اتسالىسا بەرەمٸز دەگەن تٸلەكتەرٸن جەتكٸزدٸ.
وسى كەزدەسۋدە اسسامبلەيانىڭ بٸرقاتار مٷشەلەرٸنە وبلىس ەكٸمٸ ا. باتالوۆ قۇرمەت گراموتاسىن, العىس حاتىن جەنە دوستىق ٷيٸنٸڭ 10 جىلدىعىنا ارنالعان تٶسبەلگٸلەردٸ تاپسىردى.
سونىمەن قاتار الماتى وبلىستىق قازاقستان حالقى اسسامبلەياسىنىڭ حاتشىلىق مەڭگەرۋشٸسٸ عابيت تۇرسىنباي ەل بٸرلٸگٸن نىعايتۋعا ەڭبەگٸ ٷشٸن بەرٸلەتٸن قازاقستان حالقى اسسامبلەياسىنىڭ «بٸرلٸك» التىن مەدالٸن وبلىس ەكٸمٸ اماندىق باتالوۆقا تابىستادى.
