الماتى وبلىسىندا كوروناۆيرۋس ينفەكتسيياسىنىڭ تارالۋىنىڭ الدىن الۋ جۇمىستارىنا تارتىلعان ٶڭٸردەگٸ مەديتسينا قىزمەتكەرلەرٸنە سىياقى بەرۋ ٷشٸن بيۋدجەتتەن 137 ملن. تەڭگە بٶلٸندٸ. بۇل تۋرالى بٷگٸن وبلىس ەكٸمٸ اماندىق باتالوۆ تالدىقورعان قالاسى ماڭىندا قويىلعان سانيتارلىق پوستتاردى ارالاعان كەزٸندە ايتتى, دەپ حابارلايدى ٶڭٸر باسشىسىنىڭ باسپاسٶز قىزمەتٸ.
سانيتارلىق پوستتا حابارلاما جاساعان تالدىقورعان قالاسىنىڭ ەكٸمٸ عالىمجان ەبدٸرايىموۆتىڭ ايتۋىنشا, سانيتارلىق پوستتاردان ٶتۋ بٸرنەشە كەزەڭنەن تۇرادى. الدىمەن پوليتسييا قىزمەتكەرلەرٸ قالاعا كٸرەتٸن ادامنىڭ تٸركەلگەن جەرٸن ونلاين فورماتتا تەكسەرەدٸ, ەگەر ولار تالدىقورعان قالاسىنىڭ نەمەسە ونىڭ ماڭايىنداعى ەلدٸ مەكەندەردٸڭ تۇرعىندارى بولماسا, وندا كٶلٸكتەر كەرٸ قايتارىلادى. كٸرگەن كٶلٸكتەردٸڭ بارلىعى دەزينفەكتسييالانادى, ەربٸر جٷرگٸزۋشٸ مەن جولاۋشى تەپلوۆيزور ارقىلى تەكسەرٸلەدٸ. تالدىقورعان ماڭايىنداعى سانيتارلىق پوستتاردىڭ بارلىعى دا وسىنداي پرينتسيپپەن جۇمىس ٸستەيدٸ.
اتاپ ٶتسەك, الماتى – تالدىقورعان تراسساسىنىڭ 3-شٸ بٶلٸمشە جاعىنان قالاعا كٸرەبەرٸسٸنە قويىلعان 1-شٸ سانيتارلىق پوستتىڭ ٶزٸنەن بٷگٸن 800 ماشينا ٶتكەن, قالاعا 1520 ادام كٸردٸ, سول سيياقتى 420 ماشينا كەرٸ قايتارىلعان. ال تەكەلٸ – تالدىقورعان تراسساسىنان قالاعا كٸرەبەرٸستەگٸ اركانىڭ جانىندا ورنالاسقان 3-شٸ سانيتارلىق پوستتىڭ جۇمىسى باستالعالى بەرٸ 35 مىڭنان استام اۆتوكٶلٸك تەكسەرٸلٸپ, دەزينفەكتسييالانعان, قالاعا 84 مىڭعا جۋىق ادام كٸرگەن.
ارالاۋدىڭ سوڭىندا اماندىق باتالوۆ كوروناۆيرۋس ينفەكتسيياسىنىڭ تارالۋىنا جول بەرمەۋگە باعىتتالعان جۇمىستارعا تارتىلعان قىزمەتكەرلەرگە سىياقى بەرٸلەتٸنٸن ايتتى:
«بٸرٸنشٸ كەزەكتە سىياقى مەديتسينا قىزمەتكەرلەرٸنە بەرٸلەدٸ. بۇل ماقساتقا بٸز 137 ملن. تەڭگە بٶلدٸك. ودان كەيٸن قاۋٸپتٸ ينفەكتسييانىڭ تارالۋىن توقتاتۋ ٷشٸن, حالىقتىڭ دەنساۋلىعى مەن ٶمٸرٸن ساقتاۋ ٷشٸن پوستتا كٷنٸ-تٷنٸ جۇمىس ٸستەپ جٷرگەن پوليتسييا قىزمەتكەرلەرٸنە, باسقا دا قىزمەتتەردٸڭ, جەرگٸلٸكتٸ اتقارۋشى ورگانداردىڭ قىزمەتكەرلەرٸنە بەرٸلەدٸ», - دەگەن ا.باتالوۆ بارلىق سانيتارلىق پوستتار مەن بلوكپوستتاردا كٷشەيتٸلگەن رەجيمدە جۇمىس ٸستەۋدٸ جالعاستىرۋ كەرەكتٸگٸن ايتتى.
«كٶپ نەرسە سٸزدەردٸڭ ەرقايسىلارىڭىزدىڭ ساپالى دا جاۋاپتى جۇمىستارىڭىزعا بايلانىستى. ۆيرۋستىڭ تارالۋىنا جول بەرمەۋٸمٸز كەرەك. سوندىقتان ەگەر قاجەت بولسا, بارلىق قىزمەتتەردەن قوسىمشا ادام تارتىڭىزدار. پوستتاردىڭ جۇمىس ٸستەۋٸنە قاجەتتٸ جاعدايلاردىڭ بەرٸ بار, بٸز قولداۋ كٶرسەتۋدٸ جالعاستىرا بەرەمٸز, - دەپ قورىتىندىلادى ا.باتالوۆ.
اتاپ ٶتسەك, وبلىس بويىنشا بارلىعى 103 پوست جۇمىس ٸستەيدٸ, ونىڭ 57-سٸ - سانيتارلىق جەنە 46-سى - بلوكپوست. قاجەتتٸلٸگٸنە قاراي ولاردىڭ سانى ۇلعايتىلاتىن بولادى.
